GMN TV Sosiedade Portugal tarde trata narativa, Timor-oan eziji PN rezolve

Portugal tarde trata narativa, Timor-oan eziji PN rezolve

Reprezentante Timor-oan hirak ne’ebé maka trata Billeti Identidade (BI) Portugal, iha Segunda (22/10), buka meius hasoru malu ho deputadu sira iha Parlamentu Nasional (PN) ne’ebé inklina-an iha komisaun B, trata asuntu negósiu estranjeiru, defeza no seguransa,  atu tau antesaun ba sira-nia preokupasaun, tanba durante tinan barak nia laran sira seidauk simu karta narativa husi embaixada Portugal.

“Motivu ami nian asuntu ida de’it, ami atu husu apoiu husi PN atu hatene ami nia dokumentu ne’ebé durante tinan 6 ba 7 ona ne’e, ninia prosesu to’o iha ne’ebé ona, ami ami atu husu apoiu husi deputadu sira iha PN atu bele enkoraza embaixada Portugal, para fortifika ami nia dokumentus bele aselera la-lais, maibé la konsege, tanba deputadu sira laiha, entaun iha tempu seluk, ami sei halo karta petisaun ida, lori mai PN”,porta voz Timor-oan hirak ne’ebé maka trata BI Portugal, José Ricardo, hamutuk ho ninia maluk nain 4, ba jornalista sira iha resintu uma fukun PN, Segunda (22-10-2018).

Nia esplika, sira hatama osan dolar amerikanu 100 ba leten trata karta narativa, para hodi hetan BI Portugal balun hahú kedas husi tinan 2013 no balun husi tinan 2016, to’o agora seidauk hetan BI Portugal, maibé embaixada Portugal kontinua simu ema foun ne’ebé maka trata Narativa ne’e.

“Ne’e signifika sira hais ami, tanba ami lakohi hanesan tinan kotuk, avo sira nia tempu sira ukun, nusa maka ami sira ne’e sai vítima nafatin, tanba saida maka sira fó vistu nafatin ba ema foun sira, mas nusa ami sira ne’ebé maka durante tinan 7 ona ne’e sira lakohi atende ami nia problema”,haktuir porta voz ne’e.

Nia akresenta, durante tinan 7 nia laran juventude hirak ne’ebé maka sai vítima, kalkula kuaje 5000, la hetan solusaun ida husi embaixada Portugal, hodi hetan direitu ba narativa ninian.

“Ha’u rasik hasoru Diretora Embaixada Portugal, mas rezultadu laiha, sira dehan taka, aban ami mai fali laiha, to’o konsege ha’u lori média mai para liput, mais solusaun laiha nafatin, ami la hatene razaun saida maka sira lakoi fó ami nia narativa, sira husu osan ami fó. Ami nia resibu iha, tanba ne’e ami sei halo karta petisaun ida, kuandu sira laiha resposta, ami sei halo manifestasaun boot, sé sira lakoi, fó fila ami nia osan”,hatutan José Ricardo.

Antes ne’e, Timor-oan  sira ne’e ezije uluk ona ba Governu  Portugal liu husi  embaixada Portugal iha Díli, atu  prosesa lalais ona sertidaun narativa hodi bele hetan billete identidade, nune’e fasilita asesu pasaporte Portugal.

Ba preokupasaun ne’e, GMN tenta konfirma ho Embaixador Portugal ba Timor-Leste, maibé la konsege, tanba okupadu ho servisu.ves


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker