GMN TV Sosiedade PR simu kredensial husi embaixadora Malaysia

PR simu kredensial husi embaixadora Malaysia

Prezidente Repúblika (PR), Francisco  Guterres ‘Lu Olo’, Tersa (16/10/18), ofisialmente simu karta kredensial, husi embaixadora foun Malaysia ba Timor-Leste, Sarimah Akbar, hodi hala’o nia misaun iha Timor-Leste, durante tinan ha’at.

Tuir  Sekretáriu Jeral Ministériu Negósiu Estranjeiru no Kooperasaun Antonito Araújo, katak, iha enkontru kortezia ho Prezidente Repúblika, Embaixadora Malaysia kompromete, kontinua apoia Timor-Leste iha área oi-oin, no mos apoiu Timor-Leste atu adere ba Association of South East Asian Nation (ASEAN).

“Embaixadora ne’e hanesan xefi misaun, nia nu’udar terseira embaixadora Malaysia nian mai Timor-Leste, no nia nu’udar segunda  embaixadora feto Malaysia iha Timor,  no ita iha kooperasaun di’ak ho Malaysia,  pelo menus iha area tolu, Kapasidade, Saúde, Defeza no Seguransa hato’o karta kredensial ba Prezidente Repúblika, Francisco Guterres ‘Lu Olo’”,dehan Antonito de Araújo ba Jornalista sira, hafoin remata enkontru ho Prezidente Republika, iha Palásiu Prezidensial Nicolau Lobato Bairo Pite Díli.

Nia realsa, husi parte Prezidente Repúblika, agradese ba kooperasaun no apoiu Malaysia nian, no Prezidente espera katak aprezentasaun kredensial foun ne’e atu kooperasaun bilateral entre país rua ba oin nafatin, sai bo’ot liu tan, liu husi  apoiu Malaysia nian ba Timor atu adere ba ASEAN.

“Husi kompromisu Governu nian rasik, no buat hotu ne’ebé Timor atraves MNEK hala’o ne’e to’o agora husi inisiu aprezenta ita-nia pedidu adezaun ne’e to’o agora, ita fiar katak sei akontese ita adere ba ASEAN”,akresenta  Antonito.Oly

 


Banner

Foto

Notisia Ikus

PR husu autorizasaun ba PN renova EE da-XVI

July 27, 2021
Prezidente Repúblika (PR), Francisco Guterres L...

Governu muda estatutu ba EP, bee-moos nafatin iha problema

July 27, 2021
Deputadu komisaun E Parlamentu Nasionál (PN) ne...

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker