GMN TV Sosiedade Sosiedade Sivil konsidera seidauk tempu PN sosa kareta foun

Sosiedade Sivil konsidera seidauk tempu PN sosa kareta foun

0 views

Sosiedade Sivil konsidera seidauk tempu atu deputadu sira iha Parlamentu Nasional (PN) sosa kareta foun , tamba povu sei moris iha kiak no mukit nia laran. Lia hirak nee hato’o husi Diretur Ezekutivu Yayasan Hak no Diretur Ezekutivu FONGTIL ba JNDiário konaba proposta PN atu sosa kareta 48 deputadu foun.

Parlamentu Nasionál foin lalais aprova ona , proposta orsamentu $17 Millaun, atu sosa kareta foun 48, ba deputadu foun sira iha IV Lejislatura. Deputado sira fó razaun katak sosa kareta ne’e atu fasilita servisu deputadu sira iha Parlamentu no mós atu halo fiskalizasaun iha Munisípiu.

Diretur Ezekutivu Yayasan HAK esplika, problema prioridade liu mak beemos , eletrisidade , saúde , edukasaun  no selu-seluk tan, ne’ebé parlamentu no Governu tenke tau atensaun.

“Ami sente triste ,tamba ne’e hanesan insulta povu ida ne’e nia partisipasaun iha vida politika ,tamba iha tempu kampanha ema hotu tane as povu ne’e ,hanesan liurai bo’ot ida ,no povu ne’e hanesan segundu maromak ,maibe no fim fo votus konfiansa ba Governante ,deputadus sira mak sira hola uluk sira nia kareta”, afirma Diretur Ezekutivu Yayasan HAK, Sisto dos Santos.

Iha fatin seluk Diretor Ezekutivu FONGTIL, Daniel Santos do Carmo, husu ba deputadu sira atu labele hanoin sa’e kareta deit , maka iha dignidade , iha situasaun povu ninia ohin loron ne’ebé mak sei halerik ba buat hotu-hotu.

Tuir  Daniel Santos , di’ak liu mak parlamentu sosa kareta ba komisaun ida-idak, mak deputadu sira bele utiliza, hodi ba halo atividade fizkalizasaun iha terrenu.

“Parlamentu atu hola kareta foun ne’e la razoavel ,tamba agora laos tempu atu deputadu sira hola kareta ,tamba situasaun povu nian sei sai mais pior liu ,deputadu sira labele sukat sira nia dignidade kompetensia hanesan deputadu ne’e ho material katak, sira tenki sa’e kareta mak sira iha dignidade ne’e la los ,maibe importante mak sira tenki servisu ida ne’ebe honestu ba povu ida ne’e ,tamba povu agora sei iha situasaun ida ne’ebe pior liu tan”, dehan Daniel Santos.

Ante nee politika sosa kareta ba deputadu sira mai kedas husi parlamentu, terseira lejizlatura no kontinua eziste to’o iha kuarta no kinta lajislatura.

Maibé iha kuarta Lejislatura, hamosu protestu husi estudante no akadémista sira, tanba la konkorda desizaun parlamentu lelaun kareta tuan no sosa fali kareta foun, ba deputadu sira.

Ikus mai hamosu konfrontus entre manifestante ho polisia , ne’ebé rezulta polisia tiru gás lakrimojéniu , no detein manifestante lubuk ida , inklui estraga véokulu balun.tos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker