GMN TV Sosiedade ALMAMOR hakfodak ho deklarasaun Manuel Vong

ALMAMOR hakfodak ho deklarasaun Manuel Vong

1,299 views

Prezidente Asosiasaun Múzika Timor-Leste (ALMAMOR), Erik Waiwatu, ho nia estrutura kestiona aktu kordenadór programa Expo Dubai, Manuel Vong, tanba artista sira ne’ebé envolve hodi ba partisipa programa internasionál laiha koñesimentu husi ALMAMOR.

“Ami hotu hakfodak triste, tanba nu’udar prezidente até a data ami laiha koñesimentu, ami lahatene muito bem, ne’ebé mai ami deklarasaun ida ne’e keta sala alamat karik, tanba ha’u nu’udar prezidente laiha ema ida mak nomeia artista em nome de Almamor ba serbisu hamutuk ho komisaun haruka artista ba Expo Dubai, ami kondena maka’as hahalok ida ne’e,” dehan,  Prezidente Almamor, Erik Waiwatu, ba GMN iha Pateo, Tersa (05/10).

Pozisaun ne’e hodi klarifika kona-ba deklarasaun kordenador programa Expo Dubai, Manuel Vong, liu hosi programa Grande Entrevista iha GMN-TV Segunda (04/10), ne’ebé fó sai katak, ALAMAMOR mak halo selesaun ba artisita Timor-Leste hodi partisipa iha Expo Dubai.

Nia esplika, programa internasionál ne’ebé Governu realiza, iha valór pozitivu, maibé artista sira ne’ebé atu ba presiza iha kordenasaun ho ALMAMOR molok haruka artista sira ba partisipa.

Tan ne’e parte ALMAMOR deskonfia artista sira ne’ebé partisipa iha eventu refere, iha relasaun família, tanba ne’e nia husu ba Manuel Vong atu halo klarifikasaun loloos kona-ba loron ne’ebé akordu ho ALMAMOR.

“Ne’e ke’e rai kuak mai ami, tanba ita haree kritéria selesaun ba artista sira mós ami la hatene, keta halo família mak hili malu de’it karik, keta halo grupu balun de’it mak aranka ba liur” kestiona.

Manuel Vong deklara, sira ne’ebé partisipa iha eventu internasional ne’e tuir lolos loke kompetisaun aberta, maibé Governu labele realiza, tanba pandemia coronavírus.

“Iha asosiasaun kona-ba músika no ALMAMOR sira nia reprezentante mak iha laran hotu sira mak halo selesaun ha’u hatene de’it katak sira ida mai ne’e padraun iha SOP (standar of procedure), ema sira atu partisipa ne’ebé mak ho duni ninia talentu iha duni” Vong nia deklarasaun.

Programa Expo Dubai tinan 2020-2022 hahú iha loron 30 fulan Setembru, no iha loron 14 fulan Outubru tinan ne’e, ekipa sei desloka tan ba Dubai hodi halo akordu ho parseiru sira ne’ebé envolve mós iha programa ne’e.Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker