GMN TV Sosiedade FONGTIL keixa governante na’in hitu ba KAK

FONGTIL keixa governante na’in hitu ba KAK

41 views

Forum Organizasaun Naun Governamentál Timor-Leste (FONGTIL) hato’o ona keixa ba Komisaun Anti Korrupsaun (KAK) hasoru membru Governu na’in hitu ne’ebé partisipa iha Expo Dubai, tinan 2021.

Diretór Ezekutivu FONGTIL, Daniel dos Santos Carmo, hatete, governante na’in hitu ne’ebé partisipa iha Expo Dubai ne’e hamosu prejuizu boot ba Estadu.

“Keixa ne’ebé mak ami halo ba membru Governu na’in hitu, no mós ho delegasaun 120 pessoas ne’ebé partisipa iha Expo Dubai 2021. Razaun ami mai halo keixa ba KAK, tanba tuir informasaun no dadus sira ne’ebé ami hetan, katak delegasaun ne’ebé partisipa iha Expo Dubai, fó prejuízu ba Estadu, signifika Estadu lakon, entaun kódigu penal TL artigu 213 no 214 fó dalan ba ema individu, koletiva no sidadaun se de’it bele hato’o keixa ba polísia espesiál kombate korupasaun,” dehan Diretór Ezekutivu FONGTIL ne’e, iha KAK Faról Díli, Kinta (21/10).

Komisáriu KAK, Sergio Hornai, afirma, KAK hanesan polísia espesiál ba kombate korrupsaun, sei halo análiza no estuda hodi prosesa tuir lei haruka.

“Com serteza atu iha ne’ebá presiza halo análiza ida kle’an, depois halo ninia sekuénsia sira, tuir marsa prosesuál sira ne’ebé mak ita-nia lei sira haruka” responde Komisáriu KAK ne’e.

Enkuantu delegasaun Timor-Leste ba Expo Dubai ne’ebé xefia hosi Ministru Koordenadór no Asuntu Ekonómiku, Joaquim Amaral ne’e fila ona mai Timor-Leste ho aviaun Citilink, no governante ne’e deklara ba mídia katak prontu kolabora.

Osan ne’ebé Governu aloka ba partisipasaun TL nian iha Expo Dubai hamutuk Millaun USD 1, nomós tulun husi Dubai rasik Millaun USD 1 resin.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker