GMN TV Sosiedade FONGTIL sei keixa governante na’in hitu ba KAK

FONGTIL sei keixa governante na’in hitu ba KAK

295 views

Diretór Ezekutivu Forum Organizasaun Naun Governamentál Timor-Leste (FONGTIL), Daniel Santos do Carmo, hatete, sei keixa membru Governu na’in hitu ba Komisaun Anti Korrupsaun (KAK) hodi halo investigasaun, tanba gasta osan saugate deit ba Expo Dubai.

“Ita-nia preokupasaun mak ema 120 ne’e ba halo saida iha job saida sira atu halo iha Dubai? Ami mós halo ona komparasaun osan ne’ebé gasta ba viajen deit ema ida deit gasta osan hamutuk rihun 1 resin, ita kalkula ba ema 120 ne’e hira ona ho aviaun ba-mai ne’e. Tanba ne’e iha tempu badak nia laran ami-nia ekipa sei buka dadus hodi enkamiña ba KAK nune’e KAK bele haree,” dehan Daniel Santos.

“Ita preokupa Ministru na’in hitu ne’ebé ba partisipa iha Expo Dubai. Sira ba halo saida? ba ne’e atu gasta deit osan povu nian nusa la haree povu nia preokupasaun ne’ebé dadaun ne’e populasaun enfrenta iha ita- nia rai-laran. Ita haree governante sira ne’e ba para atu gasta deit osan maibe nia benefísiu laiha ba povu Timor,”katak tan Daniel.

Ekipa ne’ebé partisipa iha Expo Dubai hamutuk ema atus ida no membru Governu na’in hitu kompostu, Ministru Agrikultura no Peska (MAP), Ministru Petróleu no Mineral (MPM), Ministru Transporte no Komunikasoens (MTK), Vise Ministru Negósiu Estranjeiru no Kooperasaun (MNEK) Vise Ministru Koordenadór Asuntu Ekonomia, Ministru Turizmu Komérsiu no Indústria ho nia Vise.

Osan ne’ebé Governu aloka ba partisipasaun TL iha expo Dubai hamutuk Millaun USD 1, nomós husi Emiradus Árabes Unidus rasik, apoiu Millaun USD 1 resin.Aba


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker