GMN TV Sosiedade Sosiedade Sivíl: Sosa karreta foun ba PPN-VPPN la’ós urjente

Sosiedade Sivíl: Sosa karreta foun ba PPN-VPPN la’ós urjente

149 views

Sosiedade Sivíl husu ba Parlamentu Nasional (PN), atu hapara sosa karreta ba 12, tanba povu Timor-Leste, sei moris susar no terus hela. Sosa karreta ba Deputadu sira ne’e la’ós urjente, maibé rezolve problema ne’ebé povu enfrenta ne’e maka importante.

“Ami nia haree ba desizaun hola kareta ba deputadu nain 12 iha PN ne’e la’ós urjensia no nesesidade ne’ebé mak povu infrenta, povu infrenta mak atu orsamentu adekuadu ba setór agrikultura, edukasaun, infraestrutura inklui bee-moos ba ita nia povu TL tomak, ida ne’e mak nu’udar prioridade importante,” hatete Porta Voz Sosiedade Sivíl, Inocencio de Jesus Xavier iha Konferénsia ba Imprensa, Tersa (12/10), iha edifisiu HAK Faról hodi halo asaun kontra desizaun PN nian atu sosa kareta foun ne’e.

Nia dehan, tuir lolos PN ne’ebé reprezenta povu mak buka alternativu adekuada hodi asegura dignidade povu nian hodi labele susar ba ai-han, bee-moos, estrada diak no asesu saúde ida ne’ebé kualidade.

“Ida ne’e mak kualidade ukun, atu bele hatudu prestasaun, la’os sae karreta hola kareta foun hodi vizita povu nia sofrimentu”, dehan Inocencio.

Karreta ne’ebé planeia atu sosa ne’e hamutuk 12 kompostu husi Prezidente Parlamentu Nasionál (PPN) ho nia eskoltu, Primeiru Vise PPN ho nia eskoltu, Segundu Vise PPN ho nia eskoltu, no mós ba servisu operasionál sira.

Maibé iha Segunda loron 11, fulan ne’e, PN aprova alterasaun ne'ebe hato'o husi Bankada CNRT hodi altera proposta númeru 8 kona-ba sosa karreta foun ne’e ho votu a-favór 29 kontra 26 no abstensaun 3, nune’e pedidu sosa kareta ba PPN no VPPN ne’e kansela.

PN mós aprova ona orsamentu privativu PN nian ba tinan 2022 ho montante millaun $14.604 ne’ebé kompostu hosi saláriu no vensimentu hamutuk millaun $5.600,959 ba funsionáriu no promosaun eskalaun millaun $1.600,000 no saláriu ba deputadu sira millaun $2.800,000, nune’e abonu reprezentasaun rihun $733.450.

Bens no servisu millaun $6.5 kompostu hosi promove lasu amizade ho nasaun ka organizasaun internasionál sira, fiskalizasaun ba programa Governu, pagamentu ba asesór nasionál no internasionáll, ba komemorasaun tinan 20 konstituisaun RDTL ho formasaun no semináriu.

Iha kategoria transferénsia públika, hetan alokasaun millaun $1 resin, ne’ebé prevee mós rihun $90 ba atividade kooperasaun entre RTTL,EP ho Parlamentu Nasionál.Tos


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker