GMN TV Sosiedade Traballadór Portu Tibar ‘greve’ hasoru kompañia

Traballadór Portu Tibar ‘greve’ hasoru kompañia

84 views

Traballadór Portu Tibar Kuarta (13/10), halo asaun greve hodi ezije sira-nia direitu indeminizasaun ba kompañia 2WJ Great The Line.

Portavóz traballadór Portu Tibar, Nicodino da Cruz, hatate, asaun solidariedade ne’ebé sira halo ne’e, hodi ezije kompañia 2WJ Great The Line atu selu sira nia direitu ba indeminizasaun.

“Ami mai iha ne’e atu fó aspirasaun nu’udar traballadór, tanba ami-nia direitu ne’e sente katak, hanehan hela, direitu ne’e mak indemnizasaun no mós iha iregularidade barak ne’ebé sei iha relasaun ba ami nu’udar traballadór,” dehan Porta-Voz, Nicodino da Cruz, iha fatin asaun greve Portu Tibar.

Jerente Kompañia 2WJ Great The Line, konfirma, direitu ne’ebé traballadór sira husu ba kompañia mak atu selu indemnizasaun, maibé kompañia sei selu tuir lei ne’ebé estabelese ona no bainhira traballadór sira la satisfeitu, dalan ikus mak ba SEFOPE, tamba projetu Portu Tibar ne’e hanesan projetu determinadu.

“Tanba ita mai ho kontratu determinadu, ita-nia kontratu ne’e hanesan temporariamente atu hetan benefísiu oitoan husi empregadór, maibé ita bazeia ba kontratu determinadu, se nia liu husi tinan tolu ba leten, hakarak ka lakohi ita sei hetan indemnizasaun, maibé husi tinan tolu mai kraik sei la hetan indemnizasaun. Maibe parte kompañia selu nafatin sira-nia annual leave ho sira-nia gaji 13 inklui mos ho sira-nia sertifikadu. Durante kompañia hasai sira, sira-nia direitu ne’e ami fó bazeia ba lei,” esplika Jerente Kompañia 2WJ Great The Line, Sebastião Pereira.

Asaun ne’ebé traballadór sira halo la hetan rekoñesimentu husi parte Polísia Munisípiu Liquiça, nune’e polísia haruka traballadór sira fila hodi labele perturba movimentu trasporte públiku.GMN


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker