GMN TV Sosiedade Xanana inaugura Monumentu 4 Setembru iha Becora

Xanana inaugura Monumentu 4 Setembru iha Becora

138 views

Líder nasionál nu’udar mós Komandante Em Xefe FALINTIL, Kay Rala Xanana Gusmão, Sábadu (9/10), akompaña husi família saudozu na’in sia ne’ebé mate ba ukun rasik-an iha loron 4 Setembru, tinan 1999, inaugura Monumentu 4 Setembru iha Aldeia Au-hun, Suku Becora, Postu Administrativu Cristo Rei, Munisípiu Díli.

Monumentu ne’e hari’i husi Xanana Gusmão, nu’udar onra ba saudozu na’in sia ne’ebé luta ba libertasaun nasionál inklui ba saudozu sira seluk ne’ebé mós mate iha 4 de setembru 1999.

Xefe Aldeia Au-hun, Joanina Andrade da Silva, agradese ba líder rezisténsia, Kay Rala Xanana Gusmão, nu’udar inisiadór ba hari’i Monumentu 4 Setembru iha Au-hun, Becora.

“Inaugurasaun Monumentu 4 Setembru 1999, masakre negra tinan 22 liu ba. Buat sira ne’e tanba laran luak no domin komandante em xefe FALINTIL Maun Bo’ot Kay Rala Xanana Gusmão, nian ba família tomak Au-hun ne’ebé lakon aman, maun-alin ba kauza ukun rasik-an. Ha’u tenke konsiente no tenke onestu katak, Maun Bo’ot maka dalan sai inisiadór ba monumentu istóriku ida ne’e,” dehan Xefe Aldeia Au-Hun, Joanina Andrade da Silva.

Monumentu ne’e atu fó hanoin fila-fali ba jerasaun foun sira kona-ba akontesimentu ne’ebé akontese iha tinan 1999.

“Ita hotu katuas no ferik ona ne’ebé sei moris halo netik buat ruma hodi ki’ik-oan sira ne’e kuandu bo’ot mai bele mós hatene sira-nia aman-inan, sira-nia avo sira ne’e terus oin nusa atu sira mos moris iha liberdade ukun-an nia laran,” subliña Xanana.

Monumentu ne’e tesi fita husi Xanana Gusmão, hafoin tesi fita hetan bensaun husi Padre Domingos Maubere.

Agradesimentu husi família ba Xanana

Reprezentante família saudozu sira nian, agradese ba líder rezisténsia ne’ebé inisia no inaugura monumentu istóriku ne’e.

“Ami agradese Avo Xanana mai ona hari’i monumentu ida ne’e, ami kontente teb-tebes. Maibe ami faluk na’in sia ho oan-ki’ak no sobrevinete sira hotu, ami laiha mean no mutin ida atu fó Avo Nana, maibe ami so reza deit ba Avo Nana atu isin di’ak nafatin atu hodi tau matan mai ita-hotu,” dehan reprezentante Família Saudozu na’in sia, Floriana Nunes Saldanha.

Líder rezisténsia ne’e apela ba foin sa’e Aldeia Au-hun, atu hakerek istória kona-ba akontesimentu iha tinan 1999, atu jerasaun foun sira bele hatene no banati tuir.

“Tenke hakerek istória. Depois populasaun iha ne’e halai ka tur hakmatek ka oin nusa? Hakerek, hakerek hotu. Iha fatin seluk ninian mos hakerek hotu hodi ema bele hatene,” tenik Gusmão.Nes


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker