Reprezentante Parseiru Dezenvolvimentu Timor-Leste UNICEF, Valeria Taton, husu ba inan aman sira tenki halo komunikasaun direita bei-beik ho oan sira, tanba liu husi komunikasaun mak bele dezenvolve oan sira nia kakutak.
“Kompetensia inan aman no familia iha uma laran ba labarik kikoan liu-liu bebé sira atu dezenvolve sira nia kakutak mak tenki halo komunikasaun ba sira bei-beik, tanba liu husi komunikasaun ne’ebe mak ita halo ou inan aman ne’e dalan diak atu labaraik ida dezenvolve nia kakutak no ajuda labarik sira liu-liu bebe sira atu lasu amijade entre sira ho nia inan aman ne’ebe bele halo sira sente domin, seguru no konfortavel,”Hateten Reprezentate UNICEF iha Timor Leste, Valeria Taton, ba Jornalista sira hafoin partisipa programa Kafe UNICEF ho tema Inan aman aprende kolia ho bebé nia lian, iha Hotel JL Vila Comoro Kuarta (7/11/2018).
Valeria hateten, liafuan kolia ho bebe nia lian buat foun ida iha kontestu kultura balun maibe nudar inan aman ou kuidador ne’ebe mak iha kompetensia tenki dezenvolve oan nia kakutak maske dalan balun ema konsidera kolia bebe nia lian hanesan ema ladun normal maibe hakarak ou lakohi tenki kolia tanba nia impaktu positivu ba bebe nia dezenvolvimentu kakutak.
Tuir Valeria, kolia ho bebe nia lian, estemula bebe sira nia kakutak , prepara sira ba tarefa ida difisil hodi aprende lian, ne’ebe bele kria lasu entre sira ho inan aman sira ne’ebe mak halo sira sente domin, seguru no konfortavel.
“Kolia ho bebe iha jestu barak, hanesan uja kontaktu ho matan, halekar expresaun sira no hatan ba sinal sira mak importante hanesan ho lian vocal atu apoio Dezenvolvimentu kakutak saudavel, evidensia hatudu bainhira bebe sira rona neneik, molodiku no lian exajeradu sira ajuda sira dezenvolve konegtivamente no aprende lia foun sira husi sira nia kuidador sira ka inan aman bele kolia lalais no iha vocabulario barak liu fali bebe sira mak la halo interaksaun ho dalan hanesan,”Valeria haktuir.
Gil da Costa alias Naldo Rei , nudar aman hateten, papel aman iha familia ida laos deit ba buka servisu hodi sustenta oan maibe iha mos obrigasaun atu tenki toma mos responsavel atu eduka oan oinsa kolia ho inan aman no familia uma laran hahu husi idade bebe to’o bo’ot.
“Hau sente ita labele hanoin dehan feto sai inan ne’e nia mak tenki halo buat hotu-hotu, mais nudar aman tenki sai parseiru ne’ebe diak mos ba nia inan hodi hatene katak maske ita iha servisu barak, sai dader kalan mak tama uma maibe tenki buka tempu ituan ba ita nia oan sira no nia inan,”Gil hateten.
Tuir rezultadu peskija ne’ebe mak UNICEF iha hatudu katak maioria labarik ho idade bebe foin moris ba leten , nia kakutak bele dezenvolve tanba komunikasaun inan no aman sira iha kualker tempu.Ola
