GMN TV Sosiedade Hasoru natal-tinan foun, MCIA fa’an fós ho folin baratu

Hasoru natal-tinan foun, MCIA fa’an fós ho folin baratu

0 views

Atu antesipa folin foos iha Merkadu nia folin sa’e iha tempu natal no tinan foun inklui udan monu rai, Ministério Comercio Industria (MCI)  liu husi Centro Logística Nacional (CLN), fa’an ona fós  ho folin baratu ba povu tomak.

Diretror Ezekutivu, CLN, Jacinto Paijo, hateten, objetivu husi  atividade intervensaun  refere  hanesan  resposta  governu liu husi MCIA  nian ba komunidade sira ne’ebé mak presiza duni aihan bazeia ba  dekretu lei númeru 26/2014 kona ba knaar CLN atu halo intervensaun iha Merkadu.

“Atividade intervensaun  ida ne’e hala’o bazeia ba dekretu lei 26/2014, kona ba knaar  CLN atu halo intervensaun iha teriotoriu   tomak, tuir nesesiedade  populasaun bainhira kuandu iha pedidu ruma, tanba ne’e mak husi gabineti Prezidente CLN, iha pedidu mai husi autoridade entaun sira enkontru  ne’ebé mak lolos ne’e ita hala’o iha fulan Outubro maibe tanba ita enfreta problema finanseiru tanba ne’e mak  foin hala’o”,Diretor Ezekutivu  CLN,  Jacinto Paijo,  relata iha nia intervensaun iha MCI Fomentu, Sesta (24/11/2018).

Administrador Postu Administrativu Laclo, Munisípio Manatuto, Samuel Rodrigues Perreira,  agradese ba MCI tanba bele responde pedidu ne’ebé mak nia parte hato’o, hodi halo duni intervasaun Merkadu ba Postu Laclo tanba  Suku Balu iha Postu Administrativu refere  dadauk ne’e infrenta rai hamlaha hanesan, Suku Bahadiik no suku Laikore ne’ebé infrenta rai hamlaha tanba sira nia natar kuaje hektares sanolu resin ida hetan estragus husi mota.

“Ha’u hato’o agradese ba CLN tanba bele responde pedidu ne’ebé mak ha’u hato’o, hodi halo intervensaun ba Mercado liu-liu fos ne’ebé mak oras ne’e dadaun ho folin sa’e maka’as  iha Mercado ezemplo CLN mai faan ho folin  USD 11 ba 25 KG, kompara ho Mercado USD 13”,dehan Samuel Rodrigues  Perreira.

Sekertariu Estado  Meu Ambiente (SEMA) Demetrio Amaral  husu ba funsionario  Centru Logistik Nasional atu tenki  lori  duni fos  intervensaun  ho tonelada  rua nolu resi lima ba fatin destinado.Nune’e labele halakon komunidade nia fiar.

Iha fatin hanesan, Sekretariu Estadu Meiu Ambiente (SEMA),  Demetrio Amaral, hateten, programa intervensau n refere diak no importante tanba ne’e tenki halo ho diak no responsavel nune’e bainhira termina ona fatin tenki to’o duni fatin ne’e nune’e labele ba fali fatin seluk hodi halakon komunidade ne’ebé mak hato’o ona pedidu  ba Governu.

“Programa ida ne’e importante tebes tanba ne’e ha’u husu ba ita bo’ot sira tenki lori duni fos hirak ne’e ba iha fatin ne’ebé mak ita termina ona nune’e labele mosu deskontenti”,hateten Demetrio Amaral iha nia intervensaun iha lansamentu programa  Intervensaun Merku hodi normaliza presu iha Postu Administrativu Laclo, Munisipio Manatutu, iha MCI Fomentu Díli Sesta(24/11/2018).

Fatin hanesan Odete da Costa Oliveira, sente kontenti  ho atividade intervensaun ne’ebé mak MCI halo tanba  bele  hafasil sira hodi  hetan fos ne’ebé mak ho folin baratu kompara  ho folin fos iha Mercado  no loja sira  ne’ebé mak  durante ne’e sira sosa kada saku ho kilograma 25 ho folin USD 13 kompara ho folin fos husi CLN ho kilograma 25 ho folin USD 11.

“Ba ami povu kiik  fa’an fos ho folin hanesan ne’e ami kontenti,  tanba ne’e  se bele  mai fa’an bebeik hanesan ne’e para ami sosa”,Odete hateten.

Total  populasaun ne’ebé mak  asesu ba fos  refere hamutuk  8.797  husi suku lima mak hanesan  Suku Laku Mesak, Suku Uma naruk, Suku Uma Kaduak, Suku Bahadik no suku Laikore.Ola


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker