Ministru Justisa Manuel Cárceres mantein nia desizaun hasai emprezaria Timoroan Kathleen Gonçalves husi edifisiu Akait, tanba ministru konsidera Akait ne’e proprietáriu Estadu nian, nune’e Governu mak iha poder hodi administra.
“Hau respeitu tebes ema ida-idak nia direitu, maibé tau buat ne’ebé los katak, Estadu nian, Estadu nian duni no sidadaun nian sidadaun nian duni, ne’ebé hau seidauk viola lei ida,’’ deklara Manuel ba GMN iha Palacio Governu hafoin partisipa iha reuniaun Conselho dos Ministros, Kuarta (21/11).
Ministru ho afirma katak, dadaun ne’e Akait la ejiste ona Associação Comercial Agricola e Industria. Ministru Cárceres rasik ba konfirma ho Servisu Registu Verifikasaun Emprezarial (SERVER) katak la iha registu emprezariu ida ho naran Akait no iha servisu notariadu mós la iha ema ida ne’ebé registu ho naran Akait.
Tanba ne’e Ministru konsidera katak, sasan sira ne’ebé abandona ona ne’e partense Estadu nian no uma ne’e rasik mós harii iha rai Estadu nian, nune’e iha tempu badak sira sei hasai duni Kathleen husi Akait hodi halo mamuk fatin refere.
Antes ne’e Kathleen rezeita desizaun Ministeriu Justisa ne’ebé haruka nia husik hela Akait ne’e, tanba tuir Kathleen nia halo kontratu ho Associação Comercial Agricola e Industria durante tinan 50 ne’ebé hahu iha tinan 2009 hodi halo negosiu iha fatin refere.
Dadaun ne’e emprezaria Timoroan ne’e uza edifisu Akait ne’e hanesan multi negosiu ba restaurante, bar, rental, butik, salon, barkery no travel agensia. nia
