GMN TV Sosiedade Komemora 28 Novembru, PR Lú Olo: Povu kontinua moris ki’ak no mukit

Komemora 28 Novembru, PR Lú Olo: Povu kontinua moris ki’ak no mukit

0 views

Prezidenti Republika (PR),Francisco Guteres Lú Olo, hateten, demokrasia labele buras, kuandu povu kontinua moris iha ki’ak no mukit nia laran, iha ne’ebé dezempregu aumenta ba beibeik.
Tuir PR Lú Olo, joven rihun ba rihun tenke sai ba liur hodi buka servisu tanba la hetan servisu iha rai laran, ne’e duni Estadu iha dever diversifika ekonomia hodi kria empregu no hamenus ki’ak.
“Ita nia demokrasia labele buras enkuantu ita nia povu maioria moris ki’ak no mukit nia laran”,Xefe Estadu Francisco Guteres Lú Olo, hato’o asuntu ne’e liu husi diskursu, iha komemorasaun Proklamasaun Independensia RDTL ba da-43, iha Palásiu Governu, Kuarta (28/11/2018).
Xefe Estadu ne’e aprofunda katak, úniku fundu minarai mak garante Orsamentu Jeral Estadu (OJE) iha tinan ba tinan, tanba fundu naun petrolíferu husi rai laran kiik liu, ne’ebé felizmente reseitas seluk rai laran husi impostu no taxa la liu millaun atus rua tuir dadus estatístika 2017 nian. No ida ne’e signifika, diversifikasaun ekonomia iha rai laran sei hakdasak nafatin.
Tanba ne’e, tuir Xefe Estadu katak, ekonomia bele buras ba be-beik iha fator rua ne’ebé, fo kreditu ekonomia ba setor privadu hodi subtitui dependensia ba fundu minarai no investe lolos iha kapital dezemvolvimentu hodi diversifika ekonomia.
Nune’e, bainhira halo investimentu klaru katak Estadu gasta osan, maibe haree uluk sa retornu ka osan hira mak sei hetan fila fali.
“Ita tenke hatene investe fundu soberanu ida ne’e lolos ho kuidadu, rigor no transparansia.Presiza investe iha area importante no bazik ba povu nia moris diak, hanesan saude, bee mos, saneamentu, edukasaun ho kualidade ás inklui agrikultura no turizmu”,dehan, Xefe Estadu Lú Olo.
Iha selebrasaun loron proklamsaun independensia ne’e, Xefe Estadu kondekora kombatente sira ne’ebé partisipa iha luta libertasaun nasional liu husi frente armada ema nain 14 simu Kolar Orden Timor-Leste tanba dedikasaun eskluziva iha Frente Armada, kondekora mos kombatente nain 30 ho Saudozu ema nain 1 ho Orden Timor-Leste.Eus


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker