GMN TV Sosiedade Komunidade Suai falta bee moos

Komunidade Suai falta bee moos

0 views

Impaktu husi bai loro naruk (El Nino) ne’ebé akontese iha tinan ida ne’e, komunidade postu administrativu Suai, munisípiu Covalima, labele asesu ba bee moos, maibé tenki kuru bee do’ok hodi uza ba nesesidade lor-loron.

“Planu bee moos ba Suai, ne’e laiha tan solusaun, solusaun maka ida de’it, maka hotu-hotu servisu hamutuk lori bee husi Dato Tolu no Dato Rua, Postu Administrativu Fohorem mai Suai, hodi bele fornese ba komunidade sira hotu no ba grande projetu ne’ebé sei mosu iha futuru, ida maka aeroportu, supply base no selu-seluk tan ne’ebé sei mosu iha Suai, ba ami Suai ne’e úniku solusaun maka ne’e, tanba laiha dalan seluk”,Prezidente Autoridade Munisípiu Covalima (AMC), Afonso Nahak ba jornalista sira hafoin remata partisipa serimonia inagurasaun auto estrada husi Suai liga ba Zumalai-Fatukai, Sabadu (18-11-2018).

Nia esplika, planu AMC atu dada bee moos husi Fohorem ne’e seidauk hahú, tanba projetu ida ne’e boot tebes, nune’e presiza servisu hamutuk ho ministériu relevante, liu-liu MOP, liu-liu diresaun jeral Água, Saneamentu no mós ba MPIE atu bele halo planu ida que diak, lori bee moos mai.

“Memang volume bee maka la to’o ona, ita fura bee moos la to’o ona, bee matan sira mós bailoro naruk maran hotu, nune’e ba Suai ninia dalan maka ida de’it, lori bee moos husi Dato Tolu no Dato Rua mai Suai”,hatutan Afonso Nahak.

Nia akresenta, koalia kona-bá bee moos iha Suai, lingua Indonesia karik dehan Susah Air, tanba neste momentu bee iha 2 de’it, mai husi Oges no mós iha Suai laran, maibé tanba bailoro naruk bee ninia debit tún, entaun ita infrenta, problema ba bee moos, maibé kuandu udan bee iha.

Husi sorin seluk, komunidade suku Debos, aldeia Asu Maten, Agapito Amaral hateten, durante ne’e sira kuru bee do’ok kuaje kilometru 1, husi Asu Maten to’o ba iha Mata Air (wee matan-red).

“Ami mai kuru bee, tanba ami nia bee susar liu, desa Debos ne’e bee susar liu, kuandu bagian Asu Maten, Lokeu no Tali Oan ne’e mai hotu iha ne’e. Hahú husi dadersan to’o kalan, tama to’o tuku 1 ou 2 foin para, ami lalin bee uza motor de’it, kuaze kilometru 1. Komunidade sira kuru iha ne’e, hahú dezde tempu Mala’e Mutin ninian, tempu bailoro no tempu udan mós ami sempre kuru bee iha fatin ida ne’e”,haktuir Agapito Amaral.

Hatán ba preokupasaun komunidade ninian ne’e, AMC hamutuk ho Servisu Água no Saneamentu Báziku iha munisípiu Covalima, halo esforsu nafatin atu halo distribuisaun bee ba komunidade tuir oras orariu ne’ebé maka iha, liu husi planu atu dada bee husi Dato Tolu no Dato Rua, Postu Administrativu Fohorem mai Suai. Ves

 


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker