Prezidente Repúblika (PR), Francisco Guterres ‘Lú Olo’, konsidera juventude Movimentu Universitariu Timor-Leste (MUTL), ne’ebé halo demonstrasaun kontra Parlamentu Nasional hodi labele sosa tan kareta foun ba deputadu sira, ne’e la sala tanba sidadaun hot-hotu iha direitu ba espresaun.
Maske nune’e, PR Lú Olo hateten, estudante sira ne’ebé polísia kaptura ona, tenke koopera atu submete ba prosesu legál.
Entretantu, Estudante hirak ne’ebé hetan kapturasaun husi Polisia Nasional Timor-Leste (PNTL) Munisípiu Dili, submete ona ba Primeiru Interrogatoriu no Polísia aplika Termu Identidade Rezidensia (TIR).
“Direitu ba esperasaun ninian direitu ba sidadaun hotu-hotu nian, direitu fundamentais, direitu umanu ne´e duni joven sira la sala halo demonstrasaun ne´e husu ba orgasaun soberanu sira saida mak sira hakarak. Ne´e duni Polísia sira ba kaer ona naksalak husi ne´ebé ita hein took”,esplika PR Lú Olo, ba jornalista sira hafoin partisipa iha seremonia komemorasaun loron masakre Santa Cruz Dili, ne’ebé mak komemora ba dala 27.
Entretantu Polisia Munisípiu Díli kaptura estudante sira tanba manifestante sira tenta atu liu ba areador Parlamentu Nasional nian iha Sesta (09/11/18).
Konstituisaun RDTL
Tuir artigu 42.⁰ (Liberdade reuniaun no manifestasaun nian) iha númeru 1. Iha garantia liberdade ba ema hotu-hotu ne’ebé hakarak halo reuniaun iha pás no la kaer kro’at, no sira lalika husu uluk autorizasaun; 2. Rekoñese ema hotu-hotu nia direitu ba manifestasaun, tuir lei haruka.avi
