Sekretáriu Komunikasaun Sosiál sei kria lei radio difuzaun ka (undang undang penyiaran) atu regula média husi setor privadu no Governu, hodi bele hala’o servisu ho seguru.
“Lei mak sai hanesan baze ba média hotu hodi hala’o servisu ho seguru. Laos ida ne’e deit, teknikamente ami sei fó atensaun makaas ba média sira balun ne’ebé seidauk iha lisensa frekuensia, média hotu ne’ebé halao operasaun iha Timor-Leste tenke registu hotu iha Autoridade Nasionál Komunikasaun (ANC),” dehan Sekretáriu Estadu Komunikasaun Sosiál, Mericio Akara, ba jornalista, iha Palácio Governu Díli, Tersa (6/11/18).
Tuir Governate ne’e katak, tenke iha mós regras ba kontiudu, basá média balun komesa kopia ema nia telenovela ka filme sira.
Ida ne’e fó hanoin ba SEKOMS atu kria regulamentu ida atu tau matan ba kestaun hirak ne’e.
Iha fatin hanesan nain ba média ETO TELCO no ETO TV, Nilton Gusmão hateten Timor-Leste seidauk iha lei radio difuzaun tanba ne’e presiza iha duni atu regula média sira.
Nia mós sei buka atu kontribui ba esforsu SEKOMS hodi dezenvolve servisu hotu iha área komunikasaun sosiál atu proteje aktivdade sira iha rai laran. ety
