Abitante ida hetan mate-isin Alcino Perera iha Praia dos Coquieros Díli. Mate isin ne’e hetan husi Sasin António da Silva núdar grupu Movimentu Tasi Mós, wainhira hala’o hela limpeza iha tasi ninin, Segunda (18/11/19) dadersan mais ou menus tuku 7 liu minutu balun oras Timor-Leste.
Wainhira hetan tiha mate isin ne’e António da Silva ho nia kolega fó hatene servisu Sanementu munisípiu Díli ne’ebé mak hala’o hela limpeza iha estrada ninin praia Praia dos Coqueiros, hodi fó hatene ba membru Polísia ida wainhira liu husi área refere katak, hetan mate isin ida.
“Ami husi Grupu movimentu Tasi mos loron loron haloi limpeza iha ne’e, entaun dader ami la’o tuir ninin too iha fatin refere hare’e ba ema ida toba duku a’an hela, ami hanoin karik nia luku ka nia haris mak nia toba hela hanesan ne’e, entaun ami hateke kleur maibé la bokan, entaun ha’u ho ha’u nia kolega bolu fali tiu sira servisu Saneamentu hodi fó hatene membru Polísia ida hodi fó hatene ba Polísia hodi too iha fatin akontesimentu”,esplika sasin António da Silva, ba jornalista sira Segunda (18/11/19), iha Praia dos coqueiros.
Alende ne’e Alda Pereira núdar familia vítima hateten vítima durante ne’e hela mesak área Kampung Alor besik edifisiu Ministeriu Finansas, nia servisu loron-loron mak peska iha tasi, maibé nia ema difisensia labele koalia.
“Ha’u husu ba Polísia atu loke investigasaun atu loke prosesu investigasaun hodi bele hatene motive akontesimentu”,dehan Alda Pereira. Vítima Alcino Pereira nia ulun fatuk hetan kanek.
Alcino Pereira sidadaun Postu Administrativu Atauru Makili, munisípiu Díli, ne’ebé mak mate ho idade produtivu.
Mate isin evakua ona ba iha mortuariu Hospital Nasionál Guido Valadares (HNGV) hodi submete ba prosesu autopsia.
Tuir observasaun GMN, komunidade barak mak antusiazmu asisti mate isin refere iha tasi ninin, hodi kria mós engrafamentu kuaze oras ida, hahú iha tuku 8 to’o tuku 9 dadersan oras Timor-Leste, maibé membru Polísia Tránzitu konsege normaliza sirkulasaun veiukulu iha fatin refere.avi
