Selebra loron Masakre Santa Cruz ba-dala 29, Prezidente Administrasáun Konsellu Kombatente Libertasaun Nasionál (KKLN), Vidal de Jesus ‘Riak Leman’, husu ba foinsa’e sira atu nafatin hakmatek no hametin unidade.
“Ha’u hatene katak, juventude masakre Santa Cruz idade avansadu hotu ona, tanba ne’e ha’u husu ba joven sira ne’ebé moris hahú husi tinan 1990 to’o mai 1999, seidauk komprende di-di’ak kona-bá saída mak funu, tanba ne’e ha’u husu ba sira atu túr hakmatek no unidade tenke metin”, Prezidente Administrasáun KKLN ne’e iha Pálasiu Governu, Tersa (10/11/2020).
Veteranu ne’e subliña, foinsa’e sira tenke banati tuir saída mak maun sira uluk halo iha funu no unidade funu nian tenke kaer metin, hotu-hotu hamutuk koopera ho Estadu no Governu, hotu- hotu la’o hamutuk nasaun ne’e sei sai di’ak.
Riak Leman subliña liu tan, loron 12 Novembru sai momentu ida ne’ebé importante, joven sira loke sira nia hirus matan hodi hasoru inimigu iha tempu ne’e kedan halo presaun maka’as ba governu Indonézia, hodi ko’alia kona-bá violasaun direitu umanu no iha momentu ne’ebá mundu tomak hatene.
“Ami iha ai-laran ohin tiru malu ho inimigu ida ne’e no ida ne’ebá, oho malu ho inimigu sira, maibé la sai iha televizaun, maibé joven sira mate sai kedas iha televizaun, hodi hatudu ba mundu katak funu sei iha”, tenik Prezidente Administrasáun KKLN ne’e. Cin
