GMN TV Sosiedade Governu sei apoia materiál konstrusaun ba vítima inundasaun

Governu sei apoia materiál konstrusaun ba vítima inundasaun

14 views

Sekretáriu Estadu Protesaun Sivíl (SEPS), Joaquim Gusmão, informa, Governu sei la apoia tan ai-han ba vítima inundasaun sira ne’ebé evakua ba hela iha kost, maibe sei apoia de’it materiál konstrusaun, atu bele konstrói hikas uma, tanba kost nu’udar uma temporáriu ne’ebé  bele hela to’o fulan tolu ou liu de’it.

Ho ida ne’e, governante ne’e deklara, protesaun sivíl prontu apoia, bainhira vítima inundasaun hirak ne’e laiha materiál atu konstrói uma foun.

“Kost (uma) ne’e temporáriu, ita mós halo hela aproximasaun ba sira, ba sira ne’ebé mak prontu atu fila ba sira nia munisípiu, ka fila ba sira nia família, ou karik sira labele harí fali uma iha fatin rejistu, protesaun sivíl iha ninia materiál para bele apoiu. Prosesu ne’e la’o hela, sira ne’ebé mak hela iha ne’ebá ne’e, espera katak labele liu fulan tolu, sira tenke-ser bele iha ona fatin. Governu iha kost, komunidade mós tenke-ser moris mes-mesak ona, husi Governu-protesaun sivíl, kuandu akontese dezastre mak sei fó hahan ka ajudus bá, ne’e temporáriu, maibe agora sira hela iha kos ona, sira mós tenke iha servisu,  buka rasik ona ai-han ba sira nia an, sira labele depende de’it ba iha governu, ida ne’e regula iha lei, bainhira mak atu bele foti sasan estadu nian, hodi bele fó apoiu ba vítima dezastre naturais sira. Protesaun sivíl ninia mandatu ne’e lato’o iha harí bairro foun, protesaun sivíl ninia mandatu ne’e, depois de akontese dezastre, fó apoiu rekuperasaun ba vítima sira, para sira bele hetan iha fatin ne’ebé seguru, maibe atu har’e bairro foun ne’e kompetensia interministerial nian, ne’e kompetensia ne’ebé mak aas liu protesaun sivíl, ida ne’e lidera hosi ita nia ministériu planu ordenamentu atu bele identifika rai.”deklara Joquim Gusmão ba jornalista, hafoin audiénsia ho deputadu sira komisaun B iha PN, Kinta (25/11/2021).

Alende ne’e, Eis Ministru Agrikultura no Peska ne’e mós informa, iha tempu badak protesaun sivíl sei aprezenta relatóriu kona-bá apoiu umanitária sira ne’ebé oferese ona durante akontesimentu kalamidade iha loron 4, fulan Abril, tinan ne’e.

 “Ita iha apoiu barak ne’ebé mak mai hosi ita nia komunidade internasionál sira, iha mós apoiu individual sira ne’ebé mak fó apoiu direta ba komunidade sira, ida ne’e la liu hosi Protesaun sivíl, maibe ida ne’ebé mak liuhosi protesaun sivíl ne’e jere iha diresaun protesaun sivíl no mós diresaun nasionál jestaun ba riskus nian. Sasán ita sura ho osan ne’e susar oituan, maibe osan ne’ebé hau iha konsimentu  hatene, ita hetan ajudus hosi embaixada Xina, governu Xina liuhosi Cruz Vermelha Xina nian, iha USD 100 mil, nune’e iha orsamentu oituan hosi Governu Thailandia USD 5.000, no mós hosi kompañia Xina sira ne’ebé mak iha, se la sala USD 3.000 ka USD 4.000 ida hanesan ne’e, orsamentu sira ne’e hotu ita uza ba operasional, durante períodu dezastre nian,”dehan.

Governante ne’e mós alerta ba komunidade hotu iha territóriu tomak, liu-liu komunidade ne’ebé hela iha área risku, hanesan mota-ninin, tasi-ibun ho foho-lolon, atu atensaun  no prepara hodi prevene-an, tanba iha ona previzaun sei akontese La Niña ne’ebé posibilidade to’o Fevereiru no Marsu, tinan 2022.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker