GMN TV Sosiedade Komunidade Tasi-Tolu kontinua sosa bee-moos hodi han-hemu

Komunidade Tasi-Tolu kontinua sosa bee-moos hodi han-hemu

73 views

Durante tinan tolu ona mak Komunidade Aldeia 12 de Outobro, Suku Comoro, Postu Administrativu Dom Aleixo, Munisípiu Díli, sosa bee-moos hodi uza ba nesesidade lor-loron  nian, tanba bee-moos ne’ebé kanaliza husi BTL,EP a’at tiha ona.

Reprezentante Komunidade Tasi-tolu Isabel Fontes, hateten,  dadaun ne’e BTL EP fornese profil rua hodi ense bee-moos ba komunidade iha área refere hodi uza ba nesesidade uma-laran,  maibe bee-moos ne’e la sufisiente.

“Iha ne’e semana ida ami sosa bee hodi uza ba hemu no tein, maibe ba fase roupa ami uza bee posu ne’ebé ami rasik kee hodi uza ba nesesidade lor-loron nian. Maibe bee posu ne’e kuandu ita hariis ita sente katar, tanba bee ne’e masin. Ne’eduni tinan tinan ami uza deit mak bee posu. Iha loron 4 fulan Abril ne’e mak Governu tau duni profile ho bee iha kampu ne’e maibe ita kuru iha regra tanba ema barak demais ne’ebé kada uma kain ida kuru bee jergen 5 liter ne’e 10 deit,”hateten Izabel Fontes.

Motorista ne’ebé lor-loron fa’an bee-moos, Abel Soares, hateten durante ne’e nia tula bee-moos  hodi fa’an ba komunidade iha área Tasi-Tolu.

“Loos duni durante ne’e ami mak lori bee tanki ne’e mai iha ne’e hodi komunidade sira bele sosa bee ne’e jergen ida 5 cent ne’ebé komunidade sira balun sosa to’o 5 ou 6 dolar konforme sira sosa. Bai-bain komunidade sira ne’e mak kontaktu ami banhira sira nia bee laiha ona,”katak Abel.

Hatán ba preokupasaun komunidade Tasi-Tolu nian,  Diretór Operasional BTL,EP,  João Piedade, promete  sei rezolve problema ne’e iha tempu badak.

“Komunidade hela iha Tasi-Tolu sira la hetan bee ne’e tanba debit bee mak la to’o, maibe ita iha ona kompañia balun ne’ebé manan ona atu hadia bomba iha INAP no Ponte CPLP nia okos, ne’eduni dadaun ne’e iha hela prosesu aprovizionamentu hela. Ha’u fiar katak iha tempu badak kompañia manan na’in sei hadia bomba ne’e para bele komunidade iha Tasi-Tolu mos bele hetan bee tanba bee nia presaun maka’as ona,”informa João Piedade.

Tuir planu iha tempu badak ekipa tekniku BTL,EP  sei tama-sai bairu iha Díli laran hodi kontrola komunidade ne’ebé sei kanaliza bee-moos ilegál.aba


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker