GMN TV Sosiedade Martinho Gusmão la’os ona padre, maibé sakramentu ne’ebé nia simu “incanselavél”

Martinho Gusmão la’os ona padre, maibé sakramentu ne’ebé nia simu “incanselavél”

331 views

Santu Padre Papa Francisco liu hosi kongregasaun ba evanjelizaun ba povu ho númeru protokolu 3593/21: Konsede ba Padre Martinho Germano da Silva Gusmão demisaun ba Estadu Klerikál no dispensa ba selibatu.

Ne’e katak, Pe. Martinho Gusmão husik ona nia kna’ar “dever no obrigasaun” tomak nu’udar na’i-lulik, (cfr.can 290 §3).

“Ho komunikadu ida ne’e, husi oin ba oin senhor Martinho Germano da Silva Gusmão sei hala’o nia vida nu’udar ema leigo baibain no continua nafatin fó testamunha fiar hanesan sarani diak,” sita iha komunikadu ne’ebé publika husi Dioseze Baucau, iha Domingu (21/11).

Iha komunikadu ne’e mós hatete, señor Martinho Gusmão hala’o nia vida hanesan leigu bai-bain iha sosiedade, maibé sakramentu ordem ne’ebé nia simu “incanselavél”.

Mesmu Martinho Gusmão la’os ona amu-lulik, maibé bele fó konfessaun ba sarani hirak ne’ebé iha situasaun “perigu de morte” no na’i lulik laiha liu kedas atu bele atende konfessaun, “Senhor Martinho bele atende confessaun no absolve validamente pecado sira (cfr. Can 976 CIC 83)” hatete iha komunikadu ne’e.

Komunikadu ne’e mos Administradór Diosezanu Dioseze Baucau, Pe. Alipio Pinto Gusmão hatete, ita agradese ba señor Martinho Gusmão, ne’ebé durante tinan barak serví ona Uma-Kreda liu hosi nia kna’ar nu’udar na’i-lulik, ita mós kontinua reza ba señor Martinho Gusmão atu nia bele sai nafatin leigo ne’ebé diak no kontinua fó nafatin testamuña fiar nu’udar sarani kristaun, iha sosiedade.

Pedidu husu demisaun ba mistériu saserdotál ne’e eis saserdote Martinho Gusmão hato’o ba Amu Bispu Dioseze Baucau, Dom Basílio do Nascimento (metebian) iha loron 25, fulan Janeiru 2020.

No iha loron 4, fulan Fevereiru 2021, eis padre ne’e haruka mós karta reskritu ba Papa Francisco hodi husu karta demisaun ba Estadu Klerikál. Nune’e iha loron 30, fulan Agostu tinan ne’e, Bispu Dioseze Baucau, Dom Basílio do Nascimento suspende eis Pe. ne’e husi nia kna’ar nu’udar amu-lulik.

Responde ba karta ne’ebé eis padre ne’e hato’o ba Amu Papa iha loron 4, fulan Fevereiru tinan ne’e mak, iha loron 13, fulan Outobru ne’e, Papa Francisco liu hosi kongregasaun ba evanjelizaun ba povu ho númeru protokolu 3593/21: Konsede ba Padre Martinho Germano da Silva Gusmão demisaun ba Estadu Klerikál no dispensa ba selibatu.

Antes ne’e Martinho Gusmão deklara ona katak, maske la hala’o ona kna’ar uma-kreda nian, maibé sei nafatin padre, tanba tuir lei kanóniku (canon, 290) ne’e dehan, kuandu ordena ona ne’e amu lulik ba nafatin. No demite husi padre, bainhira komete krime korrupsaun no pedofilia.

“Segundu por pena de demisaun lejitimamente imposta ne’e por ezemplu hori bainhira ha’u ba tribunal ne’e mak terbukti korupsi ne’e Igreja pecat ha’u, terseiru por escrita de santase ne’e ba amu lulik sira ne’e kauza gravisimas, ne’e iha Igreja ne’e kuandu amu lulik halo buat 2 ne’ebé tenki ser pecat, primeiru korupsaun, segundu pedofília” dehan nia.

Tuir lei kanóniku iha Can. 290 hatete, As ordens sagradas, uma vez validamente recebidas, nunca se tornam inválidas. Mas um clérigo perde o Estado de Clérigo:

10 por decisão judicial ou decreto administrativo declarando inválida a ordem sagrada; 20 por uma demissão legalmente imposta; 30 por rescrito da Sé Apostólica; mas o rescrito foi dado pela Sé Apostólica aos diáconos apenas por motivos graves e aos sacerdotes apenas por motivos muito graves.GMN


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker