GMN TV Sosiedade Rezultadu peskiza husi DNE, hahán no bebida folin sa’e iha merkadu

Rezultadu peskiza husi DNE, hahán no bebida folin sa’e iha merkadu

44 views

Diresaun Nasionál Estatístika (DNE) Ministériu Finansa publika nia rezultadu peskiza hatudu katak,  Índise Presu Konsumidór (IPK) fulan Outobru tinan 2021 sa’e ba +0.7% kompara ho fulan Setembru, tinan 2021, ne’ebé ho de’it 0.1%, kauza husi hahán no bebida sira folin sa’e iha merkadu nasionál.

Diretór Jerál Estatístika Ministériu Finansa (MF), Elias dos Santos, konfirma, IPK fulan Outobru porsentu bo’ot kompara ho fulan Setembru, kauza husi hahán no bebida ne’ebé folin sa’e iha merkadu nasionál no mós iha munisípiu sira tuir peskiza ne’ebé ekipa husi diresaun refere hala’o iha baze.

“Ohin Diresaun Jerál Estatístika Ministériu Finansa hala’o lansamentu ba IPK ba fulan Outobru 2021 iha Outobru ita iha inflasaun +0.7% se kompara ho Setembru +0.1%, +0.7% ne’e mai husi ne’ebé ha’u hanoin mai husi grupu ida ne’ebé mak ita hotu hatene katak, mai husi mina ka bokur nia sa’e ba +4.8%, modo tahan +2.7%, naan +2.3%, manutolun +2.1% ida ne’e mak afeta tebes ba inflasaun iha fulan outobru ni’an”,  dehan,  Diretór Jerál Estatístika Ministériu Finansa, Elias dos Santos iha Salaun Konferénsia REHA Kaikoli, Tersa (23/11/2021).

Alende kona-ba hahán no bebida la’ós alkólika, Diretór Jerál ne’e informa, kona-ba presu internet iha Timor-Leste, diresaun refere seidauk iha dadus serteza, maibé tempu badak sei halo mós peskiza ba liña telekomunikasaun 3 hanesan Timor-Telekom (TT), Telemor no Telkomcel ne’ebé durante ne’e kliente sira uza.

“Presu ba internet ha’u hanoin ami laiha dadus ida ida ne’ebé mak konkretu ba kompañia tolu ida ne’e, maibé ha’u hanoin iha tempu badak ami sei haree tok asuntu ida, tanba ema hotu hatene ita nia PM rasik hatete katak presu lentu iha mundu mak timor no presu karun iha mundu mós mak timor,”dehan.

Diresaun Nasionál ne’e mós rekoñese, folin kombustivel iha rai-laran, iha mudansa kompara ho fulan hirak ba kotuk, tanba dadaun ne’e presu mina balun sa’e ba dolar ida, sentavu sanulu resin lima, no balun sa’e ba dolar ida, sentavu rua nulu.

“Gazolina ita haree liu ba fulan 2 no 3 liu ba iha 98 sentavus, balun iha 97 sentavus, mais agora ita liga liua ba fulan outobru no fulan novembru ne’e rasik sa’e ba 1.15 sentavus, balun 1.20 sentavus ida ne’e liga mós ba presu mundial mina ne’e, tanba ita depende ba importasaun mina hotu hodi nune’e kuandu nasaun ne’ebé importa mina mak presu sa’e mak presu afeta kedas ba ita nia rai laran, tanba ita depende mina husi rai liur”.haktuir.

Ho situasaun refere, Diresaun Nasional Estatístika Ministériu Finansa husu ba Autoridade Inspesaun Fiskalizasaun Atividade Ekonómika Sanitária no Alimentar (AIFAESA), Centro Logístico Nacional (CLN) atu kontrolu folin sasán iha merkadu, loja, supermekadu no kioske hirak ne’ebé eziste iha Timor-Leste, nune’e prevene operadór ekonomia sira inventa presu sasán. Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker