GMN TV Sosiedade Sosiedade sivíl lamenta governante mak halimar TIK-TOK

Sosiedade sivíl lamenta governante mak halimar TIK-TOK

365 views

Sosiedade sivíl konsidera, Governante balun hamonu imajen Estadu Timor-Leste iha nian iha mundu, tanba sai virál iha rede sosiál, ho Tik-Tok.

Iha semana ne’e, Vise Ministru Negósiu Estranjeiru no Kooperasaun (MNEK), Julião da Silva, sai virál iha rede sosiál, tanba halimar tik-tok, hanesan sidadaun bai-bain.

Ho atitude membru Governu, iha Oitavu Governu konstitusionál, ne’ebé lídera husi Taur Matan Ruak ne’e, la’os hetan apresiasaun pozitivu, maibé hetan kritika maka’as loos, lamentasaun hosi públiku no sosiedade sivíl.

Diretór FONGTIL, Daniel Santos Carmo, hatete, atu halimar aplikasaun Tik tok, ne’e direitu kada sidadaun nian, maibé nia nu’udar líder ida, no asume knaar importante iha Governasaun ida ne’e, tenke servisu maka’as kona-ba problema sosiál iha rai-laran, la’ós sai líder atu halimar fali Tik tok.

“Peso hanesan Vise Ministru Negósiu Estranjeiru, pozisaun Vise ne’e pozisaun ida ne’ebé bele lori Timor-Leste ninia imajen iha mundu, agora kestaun halo tik tok parese ema ne’e nia hakarak ka hobby ruma Tik Tok, maibé prontu ita haree ida ne’e nia direitu atu halo tik-tok ne’e ita la preokupa, ne’e nia direitu hanesan sidadaun ruma, maibe ita-nia preokupasaun iha ne’e mak situasaun agora ne’e ita-nia nasaun presiza líder sira ne’ebé iha sensibilidade ba problema sosiál katak, líder neebé iha maturidade polítika, líder ne’ebé maduru, líder ne’ebé iha intelijensia no iha sensibilidade ba problema sosiál, katak nia líder ida nia papel mak halo advokasia Timor-Leste ba mundu, atu dada ita-nia parseiru internasion’al sira atu ema kompriende ita-nia situasaun, la’ós halo Tik Tok,”hateten Diretor FONGTIL, Iha Kaikoli, Kuarta (24/11/2021).

Maske nune’e, Ministru Prezidénsia Konsellu Ministru (MPKM), Fidelis Manuel Leite Magalhães nu’udar Porta Voz Governu, la preokupa ho Governante ne’ebé halimar Tik tok ne’e, tanba Governu sei iha servisu barak ne’ebé presiza hala’o.

“Iha asuntu nasionál ne’ebé mak penting liu do que asuntu ida ne’e, ne’ebé se la gosta haree hamoos delete imi nia acount”. Hateten Fidelis iha Palásiu Governu Díli.

Entretantu, Vise Ministru Negósiu Estranjeiru no kooperasaun (MNEK) Julião da Silva, halimar Tik Tok ne’ebé viral iha rede sosiál ne’e, la’ós foin ba dahuluk, maibé bei-beik ona. Ags

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker