GMN TV Sosiedade Virgílio Guterres: organizasaun mídia sira tenke eleva kualidade jornalismu iha TL

Virgílio Guterres: organizasaun mídia sira tenke eleva kualidade jornalismu iha TL

22 views

Prezidente Konsellu Imprensa Timor-Leste (CI-TL-sígla portugés), Virgílio da Silva Guterres husu ba Asosiasaun Timor-Leste Press Union (TLPU), Asosiasaun Jornalista Timor-Leste (AJTL) no CI rasik tenke kontinua servisu hamutuk hodi hasa’e kualidade jornalismu iha Timor-Leste.

Tanba knaar jornalista, nu’udar porfisaun ne’ebé iha divirjénsia barak, tanba liu husi liberdade imprensa sempre iha influensia ne’ebé boot. Nune’e Virgílio iha esperansa, liu husi kongresu extra-ordináriu ne’e sei prodúz rezulta ne’ebé diak, hodi haree ba futuru.

“Organizasaun profisionál mídia sira iha ne’e, hamutuk ho Konsellu de Imprensa, ita hamutuk maka sai responsabilidade ba kualidade jornalismu iha ita-nia rain Timor, la’os Konsellu Imprensa mesak, ita-hotu. TLPU nian iha nia responsabilidade rasik, AJTL iha nia responsabilidade rasik, oinsá atu eleva kualidade ita-nia membru sira-nian, tanba saida? Tanba ita-nia membru sira kuandu halo servisu diak, servisu ne’ebé kualidade, publiku fiar sira, ita mós hetan naran diak, tanba loro-loron ita deskute oinsa atu hasa’e sira nia kapasidade,” dehan Virgílio Guttrres, hafoin abertura ba kongresu extra-ordináriu TLPU nian, iha salun Delta Nova, Díli, Sábadu (13/11).

Nia afirma, TL liu-liu jornalista hotu sente lakon ema importante ida, mak “Max Stahl”. Tanba nia husu ba jornalista hotu, bainhira hala’o kualker atividade ruma, tenke tau saudozu ne’e nu’udar pontu importante ida hodi hametin unidade.

Tanba Max Stahl ema estranjeiru ida, maibé tanba nia komprimisiu, hadomi nia profisaun ne’e, nia fó an tomak durante luta libertasaun pátria, no to’o nia mate mós nia sinza ne’e hakarak mai kari iha TL.

“Entaun ida ne’e tenke sai pontu reflesaun ba ita atu deskute. Se maluk husi rai seluk hadom ita-nia rai, hadomi ita-nia povu hanesan ne’e, ita tenke hadomi liu nia, ita tenke hadomi. Hadomi liu-husi saida? Liu husi servisu ho responsabilidade” katak Prezidente CI.

Figura seluk mak Dom Basíli do Nascimento, ne’ebé iha tinan 2003 no 2004, bainhira konvida ba halo reflesaun ba jornalista sira, Prezidente CI ne’e lembra katak, jornalista labele tauk ba figura polítika sese deit, maibé hakruk ba kode étika jornalista ne’ebé iha.

“Sai jornalista labele hakruuk demais, hakruk, hakruuk ba kode étika ne’ebé ke iha, mais la’os haktuuk ba polítiku ida, ou hakruuk ba rejime ida” hakotu.GMN


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker