Parseiru Banku Dezenvolvimentu Aziátiku (ADB_sigla Inglés) sei apoia Governu atu dezenvolve kafé Timor-Leste (TL).
Tanba ne’e, iha Kinta (13/12/2018), Governu liu husi Ministériu Agrikultura (MAP), Ministériu Komersiu Industria no Ambiente (MKIA) Ministériu Obras Públikas (MOP) ho ADB, realiza workshop ida iha Hotel Tower Dili atu trasa planu kona ba dezenvolvimentu kafé iha Timor-Leste.
Diretur Nasional Plantasaun Kafé, Fernando Santana hateten, objetivu husi workshop ne’e, atu trasa planu kona ba dezenvolvimentu kafé TL nian.
“Atu Dezenvolve setór kafé iha Timor-Leste no halo preparasaun hodi koloka ba setór nen hanesan, dezenvilvimentu peskiza produsaun, akresenta valores komsumu domestiku jestaun ho kordenasaun, nomós formasaun ba merkadu internasional. Tuir lolos atu finaliza programa ne’e iha tinan ne’e, maibé orsamentu mak la sufisiente, maibé progarama ne’e tenki realiza tuir faze ba faze tuir prioridade ne’ebé ita iha ona”, hateten Fernando Santana ba Jornalista iha Hotel Tower Fatu Hada Dili.
Fernando haktuir, durante ne’e iha ona planu ba programa ida ne’e, maibé parte protividade ne’e la sa’e, tanba kafé ne’e mak menus.
“Tanba ne’e presiza peskiza para oinsa ita bele halo produsaun ho di’ak. Tanba ne’e planu ba futuru Governu sei dezenvolve setór kafé ho di’ak liu tan, hodi bele atinji ninia metas,” katak Fernando.
Nune mós ekonomista ADB, David Fruitmen hateten, Parte ADB pronto atu apoia Governu TL iha área finanseiru, hodi dezenvolve setór kafé iha TL.
“ADB sempre apoiu Governu no setór pribadu sira hodi dezenvolve kafé, tanba ne’e liu husi workshop ne’e, atu fó hanoin ba malu hodi halibur ideias sira para planu sira ne’e bele implementa iha tinan oin”, katak David.
Tuir David, workshop ne’e di’ak tebes, tanba hetan partisipasaun másimu husi Ministériu relevante no setór pribadu sira. Tuir planu programa ne’e sei realiza iha tinan oin.aba
