Governu seidauk bele estabelese sentru kulturál iha munisípiu sira , tanba seidauk prepara dezeñu.
Iha sorumutu ne’e, Sekretáriu Estadu Arte No Kultura Ho Primeiru Ministru diskuti konaba planu Governu atu, estabelese sentru kultural iha munisípiu sira.
Sekretariu Estadu Arte No Kultura esplika, iha tinan 2019 , governu seidauk bele estabelese sentru kultural iha munisipíu, tanba alénde seidauk iha dezeñu, no seidauk orasmentu.
“Hau hasoru malu ho Primeiru Ministru Taur Matan Ruak, hodi diskute konaba planu no programa ne’ebe hakerek ona iha VIII Governu Konstitusional nian ida mak atu aseleiru atu estabele sentru kultural iha munisipiu no SEAK sei fo apoiu orsamentu subsidiu ba arte zenatu no arte muzika hodi fasilita grupu sira, wanhira ba hala’o aprezentasaun kultura iha rai liur ,tamba sira ba lori Timor-Leste nia naran” Sekretariu Estadu Arte No Kultura Teofilo Caldas , Segunda (4/12), hasoru malu ho Primeiru Ministru Taur Matan Ruak, iha Palásiu Governu.
Sekretáriu Estadu Arte No Kultura iha tinan 2019 seidauk bele realiza sentru kultural iha munisipiu sira, tamba komisaun revizaun orsamentu kapital dezenvolvimentu Sekretáriu Estadu Arte No Kultura la konsege pasa.
“Estabelesementu sentru kultural iha munisipiu iha tinan 2019 ne’e ami seidauk bele realiza, tamba komisaun revizaun orsamentu kapital dezenvolvimentu Sekretáriu Estadu Arte No Kultura la konsege pasa, nune’e ami sei muda ba tinan 2020” Teofilo Caldas esplika,.
Enkuantu programa Sekretariu Eestadu Arte no Kultura iha 2019, sei fó deit subsídiu orsamentu ba artezenatu no arte múzika sira, hodi dezenvolve-an di’ak liu tan, para bele promove kultura timor nian iha rai liur.tos
