GMN TV Sosiedade Kondisaun la favoravel, AACTL suspende Sriwijaya Air hala’o operasaun

Kondisaun la favoravel, AACTL suspende Sriwijaya Air hala’o operasaun

0 views

Prezidente Autoridade Aviação Civil de Timor-Leste (AACTL), Sabino Henrique, hasai ona karta suspensaun ba aviaun Sriwijaya Air halo viajen durante loron bo’ot natal no tinan foun, tanba kondisaun la favoravel no presiza halo manutensaun ba aviaun refere.

Suspensaun AACTL ba aviaun Sriwijaya Air relasiona ho akontesimentu ne’ebé akontese iha loron 15 fulan ne’e ne’ebé kondisaun aviaun refere la favoravel atu tula pasajeiru husi Díli ba Bali no Bali mai Díli.

“Aviaun Sriwijaya opera nafatin, maibe ho aviaun seluk la’os aviaun ida hodi bainhira mai ne’e, ida ne’e mak ami suspende tiha ne’e. karta ofisialmente horiseik (horibairuak) ami haruka ona ba Jakarta para sira halo tuir, nune’e mos ami halo investigasaun ba sriwijaya nian iha aeroportu Díli”, Dehan Sabino Henriques, ba GMN iha nia kna’ar fatin Kaikoli, Díli, Segunda (17/12/2018).

Sabino esplika katak, nune’e mos sira observa ona dokumentu wait and balance  kona-ba todan ne’ebé aviaun iha momentu ne’eba. Nune’e sira halo hela aniliza oinsa mak bele halo redus ninia pasajeiru ka sasan ne’ebé mak tenke tula labele liu kapasidade aviaun nian.

“Momentu ne’eba ha’u mos hanesan saksi ida I ha’u mos haree akontesimentu ne’e depois aviaun ne’e rolin tenkok no nia erbon tiha ita rona ninia enji ne’e tarutu akompaña mos ninia suar ne’e sai husi enji ne’e”, afirma Sabino.

Nia dehan, hafoin akontese AACTL informa kedas ba toru de kontrolu iha Díli hodi konfirma ho pilotu karik iha problema enji aviaun ninia ho pilotu, maibe pilotu dehan iha problema tekniku oituan iha enji ninian tuir manual ne’ebé mak iha aviaun nian.

Husi sorin seluk, Ministru Transporte no Komunikasaun, José Agostino, mos rekoñese katak, hafoin aviaun sriwijaya tula pasajeiru husi Díli atu ba Bali maibe semo to’o iha dalan klaran mosu duni akontesimentu aviaun suar, tanba ho kondisaun aviaun ne’e la favorese atu tula pasajeiru sira.

“Ha’u simu duni informasaun husi akontesimentu refere, Maibe liu  minutu balun ha’u mos hetan kedas konfirmasaun husi pasajeirus sira iha kona-ba akontesimentu ne’e no sira konfirma duni akontesimentu ne’e akontese duni i iha tempu hanesan ha’u fo orientasaun no samada atensaun ba operadores aviasaun ninian iha Timor-Leste liu-liu sirwijaya nian”, tenikk nia.

Governante esplika, no iha segunda ne’e sira marka duni prezensa iha nia  hodi informa konaba situasaun ne’e, no sira hato’o duni informasaun, maibe parte tekniku ninian hato’o katak parte mesin nian mak iha failansu oituan.

“Ohin fo instrusaun ba sira para tenke tau atensaun seriu durante loron boot natal no tinan foun numeru pasajeirus mos aumenta, entaun sira tenke kontrola halo diak no aviaun ne’e”sublinha nia.

Agostino haktuir, aviaun refere perzisa lori ema nain hira no persiza tula sasan hira tenke hatene para labele fo risku ba pasajeirus sira, nune’e mos bele kontrola pasajeiru sira.

Entretantu tuir Media Online Tribun Jakarta.Com, haktuir iha Segunda (17/12/18), katak, kompañia aviasaun Sriwijaya Air, iha tusan barak, tanba ne’e aviaun ne’ebé marka ho Aviaun Sriwijaya Air ne’e tau hotu kedas logo Garuda Indonesia.Aes


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker