Prezidente Autoridade Munisipiu Bobonaro (PAMB), Julio Cairo, husu ba Governu liu husi Ministériu Agrikultura no Peska (MAP), atu tau prioridade ba Produsaun fos hare, ne’ebé produs husi grupo agricultura sira, tamba produsaun fos hare barak rai deit iha uma,no seidauk iha Kompañia Lokal atu sosa.
“ Ami espera no husu ba Ministériu Agrikultura no Peska, iha debate Orçamento Jeral Estado tinan 2019,bele tau prioridade ba irigasaun bee no produsaun fos hare, dehan Prezidente Autoridade Munisipiu Bobonaro,Julio Cairo, iha diskurso ba lançamento Kalendario Kultivasaun, sesta (14/12/2018) iha Munisipiu Bobonaro.
Prezidente Autoridade Munisipiu Bobonaro, haktuir grupo agricultura prontu atu implementa kalendario neebe estabelese, maibe preokupasaun ba agrikultura sira mak rezultado produsaun fos hare nee atu lori ba neebe, no depois kolheta tiha atu ba rai iha neebe.
“ ami fiar katak MAP mak tau prioridade ba Maliana hodi sosa protudu lokal, mak ami sei ejije tan buat ida, no irigasaun at mos ami prontu atu serve, maibe tamba durante nee resultado husi produsaun rai hela deit, laiha ema atu sosa, entaun agrikultura sira dehan povu kuda Governu sae.” Dehan Prezidente Autoridade Munisipiu Bobonaro, Julio Cairo.
Hatan, ba preokupasaun nee, Ministru Agrikultura no Peska, hatete preokupasaun neebe agrikultura sira hato’o sai hanesan desafio boot ida ba MAP, tamba nee iha VIII Governu MAP politika ida katak, Sentru Lojistika Nasional, atu labele sosa fos importasaun husi estranjeiru.
“ ita sei ense fos rai iha armajen SLN, tamba Governu nia osan Governu sei sosa fos rai hodi tau iha SLN no orçamento ba SLN ami sei hapara, atu nune’e osan neebe aloka atu sosa fos importasaun sei sosa hotu fos rai nebe produs husi agricultura sira.” Dehan Ministru Agrikultura no Peska.
Governante nee afirma, MAP sei servisu hamutuk ho Emprezario Lokal sira hanesan Kompaña Acelda no seluk tan, hodi bele sosa produto agrikultura sira, atu nune’e agricultura sira labele iha tan preokupasaun ba sira nia produto.Fel
