GMN TV Sosiedade PR fó osan ba familia defisiente nain 10

PR fó osan ba familia defisiente nain 10

0 views

Prezidenti Republika, Francisco Guterres Lú Olo entrega orsamentu Dollar Amerikanu 200  ba familia defisientes nain 10 ne’ebe identifikadu kiak no mukit.

 Orsamentu ba defisientes sira ne’e, Prezidenti Republika atu Promove Programa Nasional Poupansa, ne’ebé Banku Sentrál Timor-Leste hahú ona iha tinan 2014 no agradese Banku Sentrál no mós Banku Komersiál sira, tanba loke programa murak ida ne’e, tiha tinan kotuk  promove programa ne’e ba labarik sira.

“Ha’u hili inan-aman sira ne’ebé mukit liu no iha oan-kosok no oan ho otas to’ o sanulu resin hitu (17). Liuhusi biban ida ne’e, ha’u hakarak atu konvida inan-aman sira hotu,  atu hahú rai osan ba labarik sira-nia futuru.  Tanba Prezidénsia Repúblika la iha kbiit ba   hotu-hotu, nu’udar insentivu, ha‘u sei fó  osan oituan ba  na’in sanulu, atu rai iha banku,  ba kikoan sira-nia futuru”, hatete  Prezidenti Republika Lú Olo, iha Serémonia ne’ebe realiza iha salaun Cina, Palasio Prezidensial Nicolau dos Reis Lobato, Bairo Pite-Dili, Segunda (03/12/2018).

Xefe Estadu ne’e, aprofunda katak importante liu mak haree oinsá garante oportunidade hanesan ba sidadaun hothotu, tuir Konstituisaun RDTL haruka halo ida ne’e no hotu-hotu tenke hakruuk ba Lei Inan.

Xefe Estadu mos husu ba hotu-hotu atu respeita malu, nu’udar sidadaun Timor-Leste nian, ho matenek no kbiit ida-idak nian.

Ne’ebe, Prezidenti Republika kontinua kaer metin Espíritu Nicolau Lobato nian sei moris nafatin iha sosiedade ohin loron no abanbairua.

“Ha’u sei ka’er metin espíritu ida ne’e ho Povu tomak nia tulun. Hamutuk ita lori Timor-Leste ba oin. Hamutuk ita sei manán luta hasoru  kiak. Hamutuk ita hatur prinsípiu igualdade ba timoroan sira hotu,” deklara Xefe Estadu.

Reprezentante, Familia defisenti ne’ebe mak hetan orsamentu ne’e, Celestina Careion orgullu ho ajuda ne’ebe Xefe Estadu oferese ba familia defisiente sira.

“Ami sente kontenti ho ajuda ne’ebe Xefe Estadu fo ami ho orsamentu dolar amerikanu 200 ba ami sira ne’ebe moris ho kondisaun defisiente,” haktuir, Celestina.

Iha biban ne’e, Prezidente Repúblika fahe mos ai-oan, ba defisientes ne’ebe mak hetan ajuda sira ne’e, atu ida-idak kuda iha nia hela-fatin ka iha fatin ne’ebé presiza ai-hun barak, liu-liu iha foho-leten no mota- sorin.

Tanba, importante  kuda-ai nafatin no tau matan to’o boot, atu  sátan udan-been no evita rai la naksobu, tanba. Ai-hun barak  halo ambiente saudável no hetan moris ho saúde di’ak liu. Eus


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker