GMN TV Sosiedade SEFOPE teste ema 700 ba servisu iha Australia

SEFOPE teste ema 700 ba servisu iha Australia

0 views

Sekretariádu  Estadu  Formasaun Profisionál no Empregu (SEFOPE)   hala’o teste ba ema  hamutuk atus 700 iha área motorista  ba kareta ba servisu iha Autralia.

Diretur  Jeral SEFOPE, Paulo Alves, hateten, teste ne’e hala’o iha faze tolu, hanesan, teste eskrita ba tranzitu, teste matan, no   teste pratika diretamente ho kareta.

“Altura ne’eba ita hasai avizu ba servisu hanesan kondutor,  ema hamutuk 800 mak tuir prosesu ezame físiku nian, no sira ne’ebé liu mak 700,  ita tama kedan ba teste ho kareta, no ema 700 ne’ebé iha ita labele garante katak, sira hotu hatene halo, tanba teste ne’e hodi responde ba ezijensia husi to’os nain ka kompañia nain husi Australia”, informa Paulo Alves ba Jornalista GMN iha Tasi-Tolu Díli, Segunda (17/12/2018).

Tuir Paulo Alves, teste ba ema 700 ne’e, sei hala’o durante semana ida, tanba loron ida sira fó teste ba ema hamutuk 150.

Diretur Jeral SEFOPE ne’e espera katak, durante semana ida nia laran ne’e, ema 700 ne’e bele tuir ezame ho diak, tanba sistema ba teste ne’e sistema gugur.

“Iha kategoria ezame ih faze tolu, ida mak iha eskrita ba sinais tránzitu, teste matan, no pratika lori kareta. Wainhira sira liu, ita alista hela,  mak to’os nain ká kompañia nain husi Australia presiza  traballador, ita bele aprezenta lista ne’e ba sira, atu nune’e  depois  dé intervista hotu, Timor-oan hirak ne’e bele ba servisu iha Australia”,  katak Paulo.

Paulo  esklarese, ema hirak ne’ebé partisipa iha teste refere, feto limitadu tebes, tanba  husi numeru 700 ne’e,  feto  pursentu 25 no  mane pursentu 75%. Avizu ne’ebé ami fó sai ba sidadaun Timor-oan hotu, liu-liu ba feto sira, maibé feto sira ne’ebé mai hatama sira-nia dokumentus iha servisu ba rai liur, iha área lori kareta nian limitadu tebes”, informa Paulo.

Entretantu, tuir Alicia dos Santos hanesan partisipante teste ne’e hateten,  nia kontenti tebes, tanba  bele tuir teste refere ho diak.

“Ohin loron ha’u tuir teste driver nian, primeiru ha’u agradese ba Maromak no  matebian sira hotu, ohin loron ha’u tuir teste ne’e  laiha faillansu, ha’u nia teste  ne’e la’o di’ak, no ha’u mós hakarak hatudu  katak, feto mós servisu lori kareta hanesan ho mane sira”, relata Alicia.oly

 


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker