Sekretáriu Estadu Juventude no Desportu (SEJD) sei fó apoiu ba Sentru Produsaun Ai-Kulat iha Suku Fatukeru, Postu Administrativu Railaco, Munisipiu Ermera.
Sentru Produsaun Ai-Kulat ne'e harii iha fulan Outobru tinan 2017, ho inisitiva husi membru na'in 8, kompostu husi feto rua no mane nain neen husi munisipiu Ermera.
Durante ezisténsia Sentru ne’e, kada semana membru sira koileta dala rua ho rezultadu to'o kiló-grama hitu nulu.
Iha Segunda loron 17 fulan ne'e, ekipa Sekretária Estadu Juventude no Desportu halao vizita hodi haree diretamente kondisaun Sentru Produsaun refere.
Ekipa SEJD kompostu husi diretur jeral João dos Santos, diretor nasional juventude David Tomas de Deus, diretora nacional administrasaun no finansas Maria Luisa Monteiro, ho funsiunáriu balun.
Hafoin rona difikuldade no dezafiu iha Sentru ne'e, Sekretária Estadu Juventude no Desportu liu husi Diretur Jeral João dos Santos promete iha futuru Sei oferese apoiu ba sentru refere.
"Saida mak imi halo ona, komesa hatudu ona ho valor pozitivu, ne'e governu iha posibilidade bele apoiu. SEJD liu husi diresaun nasional juventude mos hola parte iha vizita ne'e, hau hanoin ami bele fó apoiu iha tinan oin mai," hateten Diretur Jeral SEJD, João Dos Santos.
Koordenadór Sentru Produsaun Ai-Kulat Cornélio Gago hateten maski durante nee la hetan rendimentu barak maibé membru sira bele sustenta sira nia nesesidade.
"Ida ne'e hanesan inisiativa grupo membru sira nian, tau osan hamutuk mak hodi harii sentru ne'e. Estudante universitáriu lubuk ida mak mai halo ona peskiza iha ne'e," hateten Koordenadór Sentru Produsaun Ai-Kulat, Corneli Gago.
Koordenadór Sentru Produsaun Ai-Kulat Cornélio Gago hateten, maski durante nee la hetan rendimentu barak maibé membru sira bele sustenta sira nia nesesidade. Ito
