GMN TV Sosiedade SEKOMS sei harii tan Radiu komunidade 3

SEKOMS sei harii tan Radiu komunidade 3

0 views

Sekretáriadu Estadu Komunikasaun Sosial (SEKOMS) planu atu harii tan radio komunidade tolu atu fasilita komunidade hodi asesu ba informasaun iha rai laran.

Sekretáriu Estadu Komunikasaun Sosial,  Mericio Akara, hateten, radio komunidade tolu ne’e, ida Governu sei ofrese ba ema ho difisiente sira mak jere.

“Ami hanoin defisiensia sira mós iha kapasidade oinsa maka bele sai jornalista diak, balun estajiu iha média balun, tanba ne’e Sekoms iha polítika  ba tinan 5 nia laran, sei harii estasiun radio komunidade 3,  tanba ita iha ona radiu komunidade 16, sei aumenta tan 3. Sekretáriu Estadu Komunikasaun deside ona atu dedika radiu komunidade 1 ba maluk defisiente sira, no rua ba komunidade atu kompleta tan 16 ne’ebé maka iha ona”, Mericio Akara ba jornalista sira, hafoin abertura seminário kona-ba ema ho defisiensia foin lalais ne’e,  iha Maskarinhas Dili.

Mericio Akara haktuir, polítika Sekoms nian ne’ebé maka relevante ho defisiente sira, no koko atu responde preokupasaun maluk defisiente sira, no oinsa mak sira bele asesu ba informasaun.

Tuir Mericio Akara, defisiente  sira mós  iha kapasidade no fraqueza, maske fizikamente sira defisiensia, maibé sira iha kapasidade no iha direitu hanesan ho ema sira ne’ebé normal.

 “Atu sira bele jere no lidera, sira mak tenki sai jornalista,  Sekoms akompña de’it atu ba futuru ita iha radiu komunidade ba defisiente, maibé Sekoms sei kordena oinsa atu prepara”, katak Mericio.

Iha fatin hanesan, Diretur Asosiasaun Defisiente Timor-Leste, Cesário da Silva, hatete, atividade ida ne’e mak sira  hakarak halo sosializasaun ba média sira, kona ba oinsa bele kompriende ema ho defisiensia.

Cesário haktuir, Papel média importante atu lori lian ema ho defisiensia ne’e ba publiku.

“Ita kompara ema defisiensia ne’e, hanoin sira labele halo buat ida no sira iha uma de’it atu fó han de’it sira, maibé ho semináriu ida ne’e, ami atu haforsa no enkoraja atu muda atutude. Ami rekuñese katak, ami seidauk kobre komunidade hotu-hotu no ami nia cobertura ne’e sei kiik, maske iha ona progresu oituan, hahú ona husi inan aman, tanba inan aman mak tenki fó uluk oportunidade ba oan hanesan ema ho defisiensia”, afirma Cesário.sis


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker