GMN TV Sosiedade Susar hetan narativa, SEFOPE sei aprosima Governu Inglaterra no Irlanda

Susar hetan narativa, SEFOPE sei aprosima Governu Inglaterra no Irlanda

0 views

Preokupasaun Timor-oan sira nian kona-ba narativa ne’ebé difisil atu hetan husi Embaixada Portugal hodi ba servisu iha nasaun Inglatera no Irlanda, maka Governu liu husi Sekretaria Estadu Formasaun Profisional no Emprego (SEFOPE), promete sei halo aprosimasaun ho Governu Inglaterra no Irlanda, hodi fasilita Timor-oan sira ne’ebé hakarak ba servisu iha rai rua ne’e, la presiza trata dokumentu iha Embaixada Portugal.

Sekretáriu Estadu Formasaun Profisionál no Empregu, (SEFOPE), Julio da Silva, promete, durante nia mandatu iha VIII Governu ne’e, sei halo esforsu hotu hodi resolve problema narativa ne’e, hodi Timor-oan sira ne’ebe hakarak ba servisu iha rai rua ne’e, la presiza trata dokumentu iha Embaixada Portugal, maibé diretamente ho embaixada rai rua nian iha Timor-Leste.

“Traballador Timor-oan sira ne’ebé mak agora dadauk servisu iha Inglatera no Irlanda ne’e, uza pasaporte Portugal nian, maibé sira mós Timor-oan hotu, entaun oras ne’e dadauk Governu liu husi SEPFOPE nomós Ministériu Negosiu Estranjeirus no Kooperasaun, halo hela esforsu atu oinsa ita la presiza trata dokumentus liu husi embaixada Portugal, maibé direitamente ho nasaun rua ne’e nian. Mas ita hotu hatene katak, oras ne’e dadauk rai rua ne’e sei infrenta problema, nune’e ita sei hein bainhira sira nia Estatuto  los ona, ita sei halo uluk lai aproximasaun, depois ita bele dezenvolve  akordu ruma, nune’e ita bele halo kooperasaun servisu hanesan ho Australia no Korea nian, nune’e ita la presiza ulun moras tan ona”,hateten Julio da Silva ba GMN iha Jinaziu Munisípiu Baucau foin lalais ne’e, hodi hatán ba preokupasaun no ezijensia kandidatu traballador ba Inglaterra no Irlanda ne’ebé trata dokumentu kuaje tinan lima ona, maibé narativa to’o agora seidauk mai.

Julio da Silva esklarese, vida Timor-oan iha rai rua ne’e importante tebes, tanba Timor-oan barak mak ba buka servisu iha ne’eba. Tanba ne’e kompromisu VIII  Governu konstitusional sei halo esforsu hotu hodi hetan dalan ne’ebé mak fasil.

“Ita hotu hatene katak, Inglatera agora hasoru hela problema politika tanba sira hakarak sai husi nasaun Europea, mas ita sei hein bainhira sira nia problema rezolvidu, ita sei halo akordu  entre Governu ho Governu, nune’e ita bele trata ita-nia dokumentus direita ho Governu Inglatera, se ita iha ona oportunidade para hetan vistu direita husi Governu ne’e diak liu”, katak Julio.

Antes ne’e,  iha loron 20/11/2018 ne’e, kandidatu traballador Timor-oan sira ba Inglatera no Irlanda hala’o asaun protesta iha edifísiu Embaixador Portugal iha Timor-Leste Colmera Díli, tanba lamenta prosesu trata dokumentu, liu-liu narativa ne’ebé lori tempu kuaze tinan lima ona maibé seidauk mai.ola

 


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker