GMN TV Sosiedade Distribui apoia umanitária ba vítima inséndiu, Opozisaun kritika meza PN halo diskriminasaun

Distribui apoia umanitária ba vítima inséndiu, Opozisaun kritika meza PN halo diskriminasaun

0 views

Deputada bankada FRETILIN, Helena Martins, krítika estrutura meza Parlamentu Nasionál (PN), tanba la konvida deputadu sira husi bankada  opozisaun FRETILIN, Partidu Demokratiku ho PUDD, hodi partisipa momentu distribui apoia umanitária, ne’ebé PN oferese ba vítima inséndiu sira iha Suku Asmanu Munisípiu Liquiça no Suku Urahou Ermera.

Tanba ne’e, deputadu opozisaun sira iha PN konsidera, Meza PN halo diskriminasaun ba bankada sira iha PN kinta lejislatura.

“ Tanba sa mak lori PN nia naran mak ba fahe sasán, maibe nusa mak la konvida hotu husi bankada sira ne’ebé reprezenta iha uma fukun ida ne’e. Pena tebes kuandu ami haree Prezidente PN ho Vise sira mak ba, maibé bankada opozisaun ne’e la konvida. Osan no sasán sira ne’ebé ita bo’ot sira lori ba ne’e, husi ita bo’ot sira nia parte ka PN ninian”, kestiona deputada opozisaun ne’e iha nia intervensaun liu husi plenária, Segunda (09/12/2019).

Alende ne’e, Xefe bankada PD, deputadu António da Conceição mós lamenta, tanba lahetan konvite hodi asiste apoiu umanitáriu refere, maske deside asaun karidade ne’e, liuhosi líder bankada sira.

“Loos duni asuntu ne’e ita ko’alia iha líder bankada, maibé ita ko’alia duni dehan katak tenke iha reprezentasaun, maibé kuandu meza mak ba de’it ne’e, kuandu fila mai ne’e ha’u mós husu kedas, tanba sa mak ami la ba?, ami labele hetan konvite atu ba?, la signifika ita-nia reuniaun líder bankada ne’e delega kompetensia tomak ne’e ba meza ne’ebé mak husi AMP nian de’it.

Uluk ami husu atu halo ekilivriu ida ne’e, maibé imi la hatán, maibé realidade ita la’o hela hanesan ne’e, ne’eduni ami mós lamenta, tanba ne’e, ita bo’ot sira ba ne’e em nome imi de’it, la’os ami hotu”, hateten deputadu PD ne’e.

Hatán ba preokupasoens ne’e, segundu Vise Prezidente PN,  Luis Roberto justifika, meza PN ba fó apoiu umanitáriu ne’e, nu’udar solidariedade husi órgaun Parlamentu Nasionál nian, la’os partidária, tanba deside liu husi líder bankada.

“Iha momentu ne’e konvoka líder bankada hotu, tanba inisiativa ne’e mak ita ba, em nome meza PN, ne’e inklui ona ita hotu iha PN ne’e, liu-liu deputadu na’in 65 ne’e, ita hotu iha laran, kuandu meza PN, ne’eduni la halo diskriminasaun, tanba iha momentu ne’ebá maluk opozisaun sira mak la marka prezensa, maibé meza PN lori ita hotu nia naran”,esklarese Luis Roberto.

Asaun karidade ne’e, estrutura meza Parlamentu Nasionál hamutuk ho estrutura komisaun F ne’ebé trata asuntu saúde no seguransa sosial, hala’o iha loron 22-23 fulan Novembru tinan ne’e, iha Suku Asmanu Liquica no Suku Urahou Ermera.say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker