GMN TV Sosiedade Eleitu ba Prezidente CACLN, Riak Leman promete rezolve problema veteranu

Eleitu ba Prezidente CACLN, Riak Leman promete rezolve problema veteranu

0 views

Veteranu Vidal de Jesus Riak Leman, eleitu ba Prezidente Conselho Combatente Libertasaun Nacional (CACLN) ho votus a favor 145, hodi halakon nia rivalidade Aquelino Guterres Ete-Uku ho votus sanulu resin haat deit.

Hafoin eleitu ba Prezidente Conselho Administrão Combatetente Libertacaõ Nacional, Vidal De Jesus Riak Leman, hateten, durante nia mandatu tinan lima sei rezolve problema veteranu sira nian ne’ebé durante ne’e akontese.

Mekanizmu votasaun liu husi prosesu aprezentasaun kandidatura husi kongresista sira iha ne’ebé kongresista sira aprezenta lista pakote tolu mak lista pakote A, B no C. Maibé lista pakote A labele submete ba eleisaun tanba proponente sira tarde aprezenta lista kandidatura ba meza nune’e lista pakote B ho C deit mak kontinua avansa hodi submete ba votasaun.

Iha Lista pakote B kompostu husi Vidal De Jesus Riak Leman nu’udar Prezidente ho nia Vise na’in tolu mak  Faustino Dos Santos Renan Selak,  Marito Reis no Inés Maria Almeida.

Enkuantu pakote C ho kandidatura Aquelino Guterres Ete-Uku nu’udar Prezidente, Saturnina Alves Bili Kasa reprezentante feto, Vasco Da Gama ‘kriadu’ reprezentante juventude no Jim Puto nu’udar Vise Prezidente Juventude liu husi votasaun sekreta, no kongresista sira hili Vidal De Jesus Riak Leman  ba Prezidente Konsellu Veteranu ho votus atus ida hat nulu resin lima enkuantu Aquelino Guterres Ete-Uku ho votus sanulu resin haat.

prezidente eleitu vidal de jesus riak leman iha nia diskursu hateten durante nia mandatu tinan lima sei esforsu servisu hamutuk ho governu buka solusaun hodi rezolve problema veteranu sira nian ne’ebé durante ne’e akontese.

“Problema barak iha ita nia veteranu sira infrenta hela iha baze ne’eba, ha’u eleitu ha’u tenki buka meius atu halibur veteranus no hakuak veteranus hotu i veteranus ida sei la esklui iha liur, tanba uluk iha funu ita halibur malu halo funu i agora funu hotu ona ita halibur malu fali luta ba veteranu sira nia moris, importante li-liu ba veteranu sira nia oan, gerasaun ne’ebé mai, kona-ba veteranu sira iha problema barak, veteranu nia oan sira la hetan bolsu estudu, ita tenki haree oinsa, veteranus nia oan bele hetan mos bolsu estudu, no prepara diak sira futuru ba nasaun, atu halo oinsa ita bele transforma fatin istóriku ba turismu istóriku, konsellu sei kordena ho ministériu veteranu no oinsa halo monumentu iha postu administrativu sira, veteranus no martires ne’ebé mate iha ai laran ita buka ruin la hetan ita hakerek naran iha ne’eba para valoriza nia, gerilleiru sira funu hotu mai balun uma laiha rai laiha, ami sei kordena ho ministeriu veteranu para tau orsamentu para halo netin uma ba sira, oan kiak faluk barak mak halerik hela, estrutura harii iha konsellu laran atu serbisu, ita serbisu makas ita bele resolve problema veteranu”, dehan prezidente eleitu vidal de jesus riak leman ba jornalista sira iha ccd sesta (20/12).

Iha Estrutura Ne’e Kompustu Prezidente Vise Frente Armada Maka Faustino Dos Santos Renan Selak Vise Prezidente Klandestina Maka Marito Reis Vise Prezidente Esterna Maka Ines Maria Almeida.

Ho rezultadu votasaun ne’e hatudu estrutura konsellu kombatente libertasaun nasionál lider husi vidal de jesus riak leman nu’udar prezidente vise prezidente husi frente armada faustino dos santos renan selak vise prezidente husi frente klandestina maka marito reis no vise prezidente esterna maka inés maria almeida. mandatu ba estrutura konsellu kombatente libertasaun nasionál  durante tinan lima hahú husi rihun rua rua nulu to’o rihun rua rua nulu resin haat.

Primeiru kongresu nasional Konsellu Administrasaun Kombatente Libertasaun Nasional ne’e hala’o husi loron 19 no termina 20 Dezembru tinan 2019 no primeiru kongresu nasionál veteranu ne’e ensera husi prezidente repúblika Francisco Guteres Lú Olo.GMN


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker