GMN TV Sosiedade José Maria da Silva monu no mate iha Sede Suku Kamea

José Maria da Silva monu no mate iha Sede Suku Kamea

0 views

José Maria da Silva monu no mate iha  Sede Suku Kamea, Díli,  bainhira atu hasai foto hodi halo  juramentu ba dedikasaun  luta ba ukun rasik-an hodi sai hanesan veteranu.

Matebian José Maria da Silva nia dokumentu sira kona bá veteranu nian verifika ona husi komisaun verifikasaun no tuir lolos iha Kuarta semana ne’e matebian atu halo juramentu kona bá veteranu.

Maibé Komisaria Munisípiu Dili Rosa Batista Cabral “Bianti” hateten, maske matebian mate ona maibé komisaun verifikasaun Munisípiu Díli sei kordena ho família atu kontinua tuir prosesu  kona bá matebian nia dokumentu hodi bele hetan ninia direitu

Tersa ne’e matebian prosesa ona ninia dokumentus, no iha kuarta ne’e hein atu foto no tuir juramentu, maibe derepente deit matebian monu mate kedas iha fatin, nune’e seidauk bele dehan nia ema kombatentes ida, tanba seidauk foto no halo juramentu, maibé  konsidera nafatin”, hateten Rosa Batista Cabral “Bianti ba GMN iha Bekora Díli Kuarta (11/12).

Ekipa Komisaun verifikasaun Dadus Veteranu Munisipiu Dili sei kordena ho Komisaun Nasional oinsa atu konsidera nia hanesan kombatente .

Ami sei kontaktu ho família José Maria da Silva, hodi koordena ho ekipa nasional atu haree ninia dokumentu kona bá ninia prosesu tomak atu oinsa bele prosesa dokumentus ne’e tuir dedikasaun luta ba libertasaun nasionál, nune’e família sira bele hetan ninia direitu”, informa Rosa.

Entretantu Xefe Suku Camea Matos da Costa hateten matebian José Maria da Silva mate tanba moras maibé la esplika klaru kona bá moras saida mak matebian sofre.

Ninia kronolojia akontesementu ne’e, iha kuarta ne’e komunidade ne’e sei mai trata nia dokumentus hodi verifika ninia dadus ba ninia dedikasaun durante luta libertasaun nasionál, nune iha loron Kuarta ne’e nia mai atu foto no halo juramentu. Tuir informasaun husi família, matebian José Maria da Silva sofre moras ulun kleur ona, lolos ohin lori ba ospital hodi halo autopsia, maibé família sira lakohi, nune’e família sira lori matebian ba fatu ahi”, relata Matos.

Tanba ne’e, Xefe Suku Camea ne’e,  husu ba komisaun verifikasaun atu koordena ho família matebian, hodi prosesa nia dokumentus hodi hetan ninia direitu.

Dadaun ne’e mate isin José Maria da Silva komisaun verifikasaun dadus veteranus munisípiu Díli entrega ona ba família.

Entretantu matebian José Maria  husi Aldeia Fatu ahi Suku Camea Postu Administrativu Cristu-Rei Munisípiu Díli.aba


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker