GMN TV Sosiedade PPN: Tenke produs lei hodi sensura sítiu pornográfiku iha TL

PPN: Tenke produs lei hodi sensura sítiu pornográfiku iha TL

0 views

Governu ho Parlamentu Nasional (PN) tenki halo lei hodi sensura sítiu pornográfia iha Timor-Leste (TL), atu nune’e, labele fó espasu menor idade sira asesu sítiu pornográfia ho livre.

Tuir Prezidenti PN, Arão Noe, hateten, iha nasaun avansadu balun sira, hanesan Korea, Estadu kontrola sítiu pornográfia sira iha média sosial, atu labele fasilita sidadaun menoridade asesu sítiu adultu ni’an ne’e.

“Há’u hanoin katak iha Timor-Leste mós bele aplika polítika sensura ida ne’e, atu konvense ita nia sosiedade moris tuir tradisaun nu’udar nasaun ne’ebé maioria relijiaun Katóliku, liu-liu oinsa polítika ida ne’e bele kombate kazu infantisídiu iha ita nia-rai, ho akontesimentu kazu soe bebe komunidade sira fó sala liu ba labarik feto, haluha tiha katak, sé iha oan tenki iha aman ou inan ida iha ralasaun mak bele iha oan”, Xefi Órgaun Lejislativu ne’e liu husi ninia diskursu bainhira partisipa iha semináriu nasional  ho ninia tema “Hamutuk Identifika Kauza no Buka Solusaun ba Problema Soe Bebe, Hadomi Bebe, Hadomi Futuru, hateten la’e ba infantisídiu”, iha salaun Comissão Nacional de Eleições (CNE), Kolmera-Díli, Kuarta  (12-12-2019).

Arão informa, tuir tradisaun antigu inan-aman iha autoridade boot iha família atu eduka oan sira, maibé tempu ohin loron ema hotu moris tuir ezijénsia sosiedade modernu, ne’ebé bele goza sasan hanesan telemóvel motor, kareta no hatais.

“Ho ezijénsia sira ne’e ikus mai obriga ita-nia oan feto sira ne’ebé otas sei ki’ik, buka dalan saída deit atu bele atinji ka hetan sasan sira ne’e, liu husi dalan sira seluk ne’ebé ita-nia oan feto sira foti, hodi atinji sasan modernu ne’ebé tama relasaun infidelidade ou selingku ho mane sira ne’ebé bele fó osan no sasan, tuir oan feto nia espetativa ba sasan mundu modernu ni’an, ikus mai bele hamosu gravidez indesejada, situasaun sira ne’e halo oan feto sira pániku, tanba tauk inan-aman no tauk ho julgamentu sosiedade ne’ebé hatudu liman ba gravidez la mai husi kazamentu, ikus mai alin feto sira abortu ka soe bebe”, tenik Xefi Órgaun Lejislativu ne’e.

Atu kombate hahalok sira ne’e, Arão husu ba inan-aman sira atu eduka sira-nia oan, liu-liu oan feto sira atu moris ho simples tuir kondisaun ekonómia família no ba família sira ne’ebé ekonómia forti labele explora oan sira liu husi fó prezente sasan folin karun hanesan telemóvel, motor no selu-seluk tan.

Tanba bainhira labarik balun goza sasan sira ne’e, provoka labarik sira seluk buka dalan oinsa bele goza hanesan mós nia maluk refere.

Tuir dadus iha nível nasional ne’ebé rejistu kazu soe bebe hamutuk 25, maibé ne’e seidauk sura ho bebé hirak ne’ebé mate ka inan-aman abandona. ety


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker