GMN TV Sosiedade SEFOPE tenke tau atensaun ba traballadór doméstika

SEFOPE tenke tau atensaun ba traballadór doméstika

0 views

Deputada husi bankada Partidu Demokrátiku (PD), Elvina de Souza ezije Sekretáriu Estadu Formasaun Profesionál Empregu (SEFOPE), atu bele tau atensaun ba traballadór doméstika sira, tanba dalaruma lahetan tratamentu di’ak husi sira-nia kompañia.

“Bainhira mak iha regulamentu ida ba sira, husi SEFOPE ne’e, tanba ita tenke tau atensaun ba sira traballadór doméstika, sira presiza hetan atensaun, tanba agora dadaun sira balun hetan tratamentu ne’ebé ladi’ak, simu saláriu latuir sira nia servisu ne’ebé sira halo, servisu maka’as liu, duke sira-nia saláriu ne’ebé mak hetan, tanba ne’e governu iha dever atu haree”, ejize deputada ne’e.

Alende ne’e, deputadu Gabriel Soares mós kestiona, tanba funsionáriu kontratadu iha sentrál elétrika kuaze fulan 6 ona la simu saláriu.

“Ema 468 mak kontrata husi kompañia guarda seguransa lorosa’e, ne’ebé mak fó hela seguransa ba ita-nia sentrál elétrika, durante tempu naruk, maibé liu husi MOP halo fali konkursu ida, halo fali kompañia seguransa lorosa’e ne’e laliu, liu fali mak Guardamor. Informasaun ne’ebé ami asesu, governu halo tiha konkursu ba kompañia sira, governu hapara hotu ema 468 ne’e, ita hanoin ema sira servisu ne’e, hodi fó seguransa ba ita-nia sentrál elétrika iha Timor laran tomak, alende ne’e, ema mós iha família no oan, liu husi seguransa ne’e hodi sustenta nia família, fulan 6 ona sira la simu sira nia vensimentu to’o ohin. Tanba ne’e, husu ba Governu, tenke tau atensaun sériu, ba ita-nia pessoais seguransa lorosa’e ne’ebé mak afeita tebes sira-nia vida lor-loron nian, tanba kompañia bele troka, maibé sira servisu iha sentral elétrika ne’e la’os loron ida ka fulan ida, tanba ne’e tenke tau atensaun sériu”, kestiona deputadu CNRT ne’e.

Hatán ba preokupasaun hirak ne’e,  reprezentante governu, Sekretáriu Estadu Komunikasaun Sosial, Mericio Juvinal dos Reis hatete, preokupasaun ne’e hotu nia sei hatutan ba parte relevante sira.say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker