Arsenio Pereira: Tempu atu PR halo dialogu liu ona

Diretór Exekutivu  Forum Organizasaun Noun Govermentais  Timor Leste (FONGTIL),  Arsenio Pereira da Silva hatete tempo atu Prezidente Republika, Francisco Guterres Lu Olo atu halo dialogu ho Presidente Partido CNRT, PLP no Khunto liu ona.

“Ha’u hanoin tenki halo duni dialogu maibe dialogu ne’e nia tempu liu ona agora PR tenki  bolu partidu politiku sira  atu fo hanoin maibe Parlamentu Nasional, governu ne’e tenki apresenta nafatin nia programa”, dehan dehan  Arsenio Pereira da Silva  hato’o lia hirak ne’e ba GMN wainhira koalia konaba planu PR nian nebe atu halo dialogu ho lider partidu politiku sira konaba situasaun poliyika iha rai laran.

Arsenio Pereira hatutan koalia asunto politika nian ne’e iha Parlamentu Nasional ne’ebé atu deside Governu ne’e. Presidente Republika atu tuir ninia papel tamba mandatu konstituisonal, Prezidenti Republika garantia estabilidade nomos garantia institusaun demokratika iha nasaun ida ne’e.

“Ha’u hanoin ida ne’e, dalan diak ida atu bele garante situasaun politika ida ne’e ita haree ba politika demokratika sira, opozisaun dehan katak kontra nafatin ba hau ne’e mos dalan konstituisaun, dalan demokrasia laos atu halo ita fahe malu ne’e laiha, lalaok politika no lalaok demokrasia mak hanesan ne’e ona”, Dehan Arsenio Pereira. sis