JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hasa’e koñesimentu jornalista, TLPU hala’o semináriu papel media iha EA

Hasa’e koñesimentu jornalista, TLPU hala’o semináriu papel media iha EA

Timor Leste Press Union  (TLPU), Segunda (09/4/18), hala’o semináriu kona ba papel media iha kobertura Eleisaun Antesipada (EA) tinan 2018, nune’e jornalista bele iha koñesimentu klean kona lalaok kobertura, respeita kódigu étika jornalista no mos lei ne’ebé vigora iha nasaun ne’e.

Iha semináriu partisipa husi orador importante sira mak hanesan Sekretariu Estadu Komunikasaun Sosial, Konsellu Imprensa (KI), Sosiedade Sivil, Comissão Nacional de Eleições (CNE), STAE, Embaixador Indonesia iha Timor-Leste, no mos reprezentante UNDP.

“Objetivu husi semináriu ne’e, konvida maluk orador sira, husi CNE, STAE, KI, no  orador seluk tan, atu bele transform aka tatoli informasaun ba maluk jornalista sira, atu halao sira nia kna’ar kobertura ba faze kampania eleitoral, no Elesiaun Parlamentar ka Antesipada, no husi prosesu ne’e tomak, sei envolve ami nia jornalisa sira ne’ebé servisu iha Media Nasional no Media Internasional sira, dehan Prezidenti Timor Leste Press Union (TLPU), Francisco Belo Simões, liu husi diskursu iha Salaun Enkontru Pusat Budaya Indonesia, DIli, Segunda (09/04/2018).

Prezidenti TLPU ne’e akresenta,  semináriu ne’e ho objetivu  oinsa orador sira, bele partilha informasaun ne’ebé diak ba kolega jornalista sira, oinsa sira hala’o kna’ar no funsaun hanesan jornalista iha terenu, atu nune’e la bele pertuba situasaun balun ne’ebé lei no ordem, ne’ebé vigora ona iha rai laran.

“TLPU sai ona full member ba International Federation for Journalism (IFJ), ami komunika ho IFJ, oinsa mak atu bele partilha no asegura, ami-nia kolega jornalista sira  hanesan membru TLPU, tamba ne’e mak sira aseita ona ohin (Horiseik) ami fasilita ka atribui ona kartaun TLPU nia ba sira,”realsa Fransisco.

Lee hotu :   Ema nain 4 mate iha lixu fatin Tibar

Iha fatin hanesan, Sekretariu Estadu Komunikasaun Sosial, Matias Boavida, hatutan, media sai hanesan pilar importante ba nasaun ne’ebé hahú dezenvolve-an hanesan Timor Leste. Nia dehan, ema barak presiza informasaun, atu nune’e populasaun no votante sir abele informadu ho partidu politiku hotu ne’ebé mak konkore iha EA ne’ebé sei hala’o iha loron 12, fulan maiu ne’e.

“Iha prosesu Eleisaun Antesipada ne’e, importante tebes media nia kna’ar ne’e oinsa ita bele hariku  kultura demokrasia, nune’e ema hotu bele kuda fiar ba lalaok ne’ebé mak ita iha no ba ukun nain no lideransa sira. importante hahú hanoin  hato’o kna’ar media  nian atu bele hato’o informasaun ba povu, konaba ukun nain sira atu ba ukun, tenki hatene mai husi povu no sei fila ba povu, no hala’o ba povu nia dever ne’ebé mak sira tenki halo,”subliña Matias.

Alende ne’e membru TLPU ne’ebé mai husi jornalista Timor Post, Evaristo Soares Martins, konsidera semináriu ne’e importante ba jornalista sira iha tempu kampaña no tama ba eleisaun ne’e rasik.

“Importansia husi semináriu ne’e, fo hanoin jornalista sira oinsa bele iha ona hanoin ruma, molok tama ba kampaña, no  mos jornalista sira bele iha koñesimentu klean konaba informasaun ne’ebé hato’o atu bele fo sai ba públiku ho kredibel no imparsial iha eleisaun antesipada ne’ebé sei mai,” tenik  Evaristo.Oly

 

Add to Comments Here!!!!

error: Content is protected.
Secured By miniOrange
You might also like:
AMP halo konsolidasaun iha Venilale  Alin Laek apela ba militantes mantein paz

Koligasaun Aliansa Mudansa ba Progresu (AMP),...

Konstrusaun Edifisiu Shopping Centre sei kria kampu servisu ba Timor oan

Ministru  Comércio  no  Industria,  Antonio  da ...

STAE deskute sigla parpol no imprimi buletin votus

Secretario Teknico Administrasaun Eleitoral (STAE), Tersa...

Close