Implementa projetu Pelican Paradise Komunidade Tasi Tolu husu VIII Governu kria kondisaun

Komunidade  Tasi  Tolu  husu  ba  Oitavu  Governu Konstitusional  ne’ebé  sei lidera  husi Kay Rala Xanana Gusmão no Taur Matan Ruak  atu  kria  kondisaun antes  implementa  projetu   Pelican Paradise.

“Ami  komunidade  hakarak kontribui  ba  dezenvolvimentu  ne’ebé  Governu  hala’o  , maibe  ami  husu  ba  Governu  ne’ebe  atu  hala’o  projetu  Pelican Paradise  ne’e,  tenki   hala’o  dialogu  uluk  ho komunidade  antes  atu  muda  ami  komunidade  husi  fatin refere” hatete  Porta  Voz  komunidade Taci Tolu, Alcino  Vasconcelos  Exposto ba  JNDiario iha Tasi-Tolu  Dili.

Porta  Vos  nee hatutan  komunidade  hakarak  kontribui  ba  dezenvolvimentu  ne’ebé  Governu  hala’o  , maibe  husu  ba  Governu  ne’ebe  atu  hala’o  projetu  Pelican  Paradise  ne’e,  tenki   hala’o  dialogu  uluk  ho komunidade  antes  atu  muda  komunidade.

Tuir  Alcino  Vasconcelos  Exposto projetu  ne’e  fo benefisia  ba  povu, nasaun  no sai  imajen  diak  ba  Timor-Leste.

“Hau  dehan  ami komunidade  husi  suku  Comoro  ne’ebé  okupa  fatin  atu  implementa  projetu  Pelican  Paradise ne’e  mai husi  bairo  ka área  João  Paulo II, Rai Kotu, Karantina, no Maslidun”, dehan porta voz .

Total  komunidade  ne’ebé  hela iha  área  implementasaun   projetu  Pelican Paradise  ne’e  8  Mil  resin  ,ne’ebé  kompostu  husi  area  João  Paulo II, Rai Kotu, Karantina no Maslidun.

Projetu  Pelican  Paradise  ne’e  Setimu Governu  Konstitusional  hala’o  ona  asina  akordu  ho  kompañia  internasional  husi  Malazsia, maibe  seidauk  implemente  nune’e  projetu  ne’e  sei  kontinua  ho  VIII  Governu  Konstitusional.tos