KPU konvida CNE observa eleisaun iha Surabaya

Komisi Pemilihan Umum (KPU) haruka ona konvite ofisial mai Comissaun Nasional ba Eleisaoens (CNE) atu bele observa eleisaun lakal Indonesia nian ne’ebe iha tempu badak atu halao iha Surabaya-Indonesia.

Prezidente CNE, Alcino de Araújo Barris, informa katak, iha tempu badak komissariu CNE  sira sei dezloka ba Indonesia tanba KPU hakarak CNE hola parte ou observa direitamente sira nia lalaok eleisaun lokal ne’e hodi bele sai mos referensia balun ba CNE wainhira organiza eleisaun minisipalidade nian.

“Ami nia prezensa iha ne’eba ho objetivu klaru, ami atu hare  oinsa mak sira organiza sira nia eleisaun ba autoridade lokal ne’e sai hanesan referensia balun,” hateten Alcino Barris iha nia servisu fatin, Dili, Sesta (25/5/2018).

Nia informa mos katak, komissariu CNE  nain 7 sei aranka ba Indonesia ne’ebe fahe ba grupu rua, katak, komisariu CNE nian nain 3 sei iha Surabaya no nain 4 seluk sei iha Bauasu. ety