Isabel Ferreira husu inan aman labele abandona oan sira

Fundadora Casa Sidadania Isabel Ferreira husu ba inan aman atu labele abandona oan sira ,tanba inan aman barak mak la assumi nia responsabilidade pior liu inan aman balun divorsiu tan  deit  intrese pessoal.

“ ita iha timor la iha ona abitu han hamutuk ho oan sira,   maske ita okupadu ho servisu, tenke fo tempu ba oan sira atu  tu’ur hamutuk, han hamutuk no koalia ho sira ida ne’e mos hanesan atensaun ida,  dala barak inan aman la halo ida ne’e”hateten Fundadora Casa cidadania  Isabel Fereira ba jornalista iha salaun Casa Sidadania Kolmera Dili, Sesta (1/6)

Tanba   inan aman nia  papel  importante atu kuidadu nia oan sira ,  buat hotu labele  husu ba estadu, tanba estadu kria kondisoens hanesan eskola , hospital be mos, responsabilidade estadu nian.

 “ita labele dependência ba estadu, sai abitu ida a’at, inan aman hotu iha timor laran tomak , oinsa  ita bele fo atensaun ba ita nia oan sira , tenke assumi nia responsabilidade hanesan inan aman ne’ebe diak”dehan nia

Isabel husu Inan aman kuidadu laos iha iha knotak maibe labarik bo’ot to’o nia kaben nia katuas ferik inan aman iha responsabilidade, reza ,akompana atu moris sai hanesan ema katolika.ety