JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Benefisíariu lamenta sistema atendimentu BNCTL

Benefisíariu lamenta sistema atendimentu BNCTL

Benefisíariu no familia Benefisiariu sira lamenta  sistema atendimentu husi Banku Nasional Comersiu Timor-Leste (BNCTL), tanba la fó atendimentu ne’ebe diak ba sira, hodi halo sira dudu no sena malu to´o balun monu, tanba ne’e sira husu atu BNCTL muda sistema atendimentu.

“Ami preokupa tanba sira seguransa la hatene atu organiza ami ho diak, nune´e mos sira nia Xefe lakoi fo informasaun ba seguransa sira atu nune´e sira bele organiza ami forma tuir liña”, deklara benefisíariu, Matias Soares, ba JN-Diário Kinta-feira  (06/09/2018) iha BNCTL Matadoru, Díli.

Benefisíariu neé haktuir katak, iha tinan hirak liu ba bainhira sira atu simu osan forma tuir liña kompara ho agora forma la tuir liña taka dalan tanba seguransa sira la haree ba kestaun neé.

” Osan ne’e Estadu no povu nia osan, tanba iha povu mak iha Estadu, laos dehan Estadu ketak povu ketak ida ne’e laiha, no osan ne’e iha deit U$ 150 dolar amerikanu, ida ne’e mak halo ami dudu malu to balun monu ain atu tohar,” tenik nia

Iha fatin hanesan, inan benefisíariu difisiente, Carolina Dias Ximenes, hatete Seguransa la sala, maibe tanba Seguransa iha nain 2 deit nune’e benifisiariu dudu malu to´o balun monu.

” Ha’u mos sira sena to´o monu to´o, atu sama tan ferik no katuas sira, maibe atu halo oinsa tanba ha’u mos atu salva ha’u nia an, entaun ba oin labele hanesan tan, BNCTL tenke tau seguransa nee rua ba leten, hodi nune´e bele hare hotu ema iha oin no kotuk.” afirma, , Inan Benefisíariu Difisiente, Carolina Dias Ximenes.

Lee hotu :   Ana Gomes: La’os Marvi mak hapara ha’u

Carolina, dehan iha tinan-tinan Seguransa iha 6 ou 7 neebe mak fo Seguransa ba Benefisíariu sira, maibe iha tinan nee iha deit nain 2, entaun sira labele hare hotu ema iha oin no kotuk, molok sira mai iha kotuk ema iha kotuk dudu malu monu hotu ona.

Hatan ba lamentasaun ne’e, Maneger Sukursal Banku Nasional Comersiu Timor-Leste (BNCTL ) Marcelo da Crus Carvalho, hatete BNCTL halo atendimento normal hanesan tinan-tinan tuir horariu neebe mak fo sai ona ba Autoridade Lokal sira iha kada Suko, atu hato´o ba sira nia Benefisíairu tuir horariu neebe BNCTL fo.

” agora sira neebe mai nee la tuir horariu neebe ami fo, tanba ami hare husi Suko sira iha Munisipíu Dilí nee mai hotu kedas, entaun ida nee mak halo sira dalaruma dudu no sena malu to´o balu monu, maibe ida nee ami Banko la sala , tamba ami fo ona horariu ba Autoridade sira iha kada Suko, atu hatete ba sira nia populasaun mai simu osan tuir loron neebe ami fo ba Suko ida-idak.”

Maneger Sukursal BNCTL, haktuir iha tinan-tinan ne’ebe benefisiaríu sira mai tuir SukSuku ida ne’e la halo sira dudu malu hanesan agora, no Fúnsionariu ne’ebe halo atendimento mos lais, tanba ema menus, dalaruma to meudia ema laiha ona,dehan  Maneger Sukursal BNCTL,Marcelo da Crus Carvalho.

“Ami iha kestaun ida atu haruka sira fila, maibe tanba sira mai to´o ona iha nee, ami atu duni fila ida nee sente ladun diak, tanba hare benefisíaríu balun neebe kondisaun lao labele no balun moras, entaun husi Banko halo deit atendimento, maibe ami ona informasaun  ba sira katak, kuando benefisiariu neebe moras la presiza mai tanba ami nia Funsíonariu sira ba selu iha uma deit,” tenik nia.

Lee hotu :   Rezultadu avaliasaun projetu 143 sei fó sai iha tempu badak

Entertantu tuir informasaun neébe GMN asesu katak, iha tinan 2018 ne’e total idozos hamutuk 9,180 .Fel

Add to Comments Here!!!!

error: Content is protected.
Secured By miniOrange
You might also like:
PNTL buka tuir autor soe bebé •Amo Herminio: “Susar kombate aktu ne’e”

Polisia Nasional Timor Leste (PNTL) kontinua...

Blokeia opozisaun, FRETILIN-PD retira proposta OJE 2018

Debate Orsamentu Jeral Estadu (OJE) tinan...

Funsionariu ADN balun ‘’riku matak’’

Reprezentante povu iha Parlamentu Nasional (PN),...

Close