JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

RKT Liquiça halerik transporte

RKT Liquiça halerik transporte

Radio Komunidade Tokodede (RKT) Munisípiu Liquiça  Falta Transporte ba jornalista sira atu halo kobertura to’o nivel aldeia.

Preokupasaun ne’e membru konselho konsultativu no estrutura ezekutivu Radio Komunidade Tokodede, hato’o ba Sekretáriu Estadu Komunikasaun Sosiál Mericio Akara, durante sorumu ne’ebé hala’o iha Sentru Radio komunidade refere, iha Kinta (20/12/2018).

Situasaun ne’e difikulta jornalista sira atu halo kobertura to’o iha suku no aldeia ne’ebé ho distansia dook husi vila.

“Servisu iha radio komunidade ne’e obrigasaun ami nian oinsa atu buka informasaun atu divulga ba komunidade sira iha nivel rural, maibe buat ne’ebé durante ne’e sai hanesan preokupasaun mak transporte, entaun ami lakonsege kobre informasaun to’o iha baze. Hau espera katak ho prezensa sekretáriu estadu Maricio Akara bele haree no fó apoiu iha futuru,” hateten jestór Radio Komunidade Tokodede Munisípiu Liquiça, Eduardo Exposto.

Sekretáriu Estadu Komunikasaun Social Mericio Juvenal Akara apresia ho vontade servisu ekipa jornalista Radio Komunidade Tokodede, tanba maski ho defikuldade oioin maibe kontinua halo kobertura hodi fornese informasaun ba povu iha Munisípiu refere.

Akara promete governu sei fó apoiu finanseiru ba Radio Komunidade Tokodede Liquiça iha futuru.

“Defikuldade termus ekipamentus no transporte, ne’e governu iha komentu sei fó ba radio komunidade ida ne’e (Radio Komunidade Tokodede) ho mos radio komunidade seluk iha Munisípiu sira. Ne’e tama ona proposta governu Sekretária Estadu Komunikasaun Social nian, iha planu orsamentu tinan 2019 nian,” hateten Sekretáriu Estadu Komunikasaun Social, Mericio Juvenal Akara.

Sorumutu ne’e hetan prezensa husi membru konselho konsultativu  estrutura ezekutivu jornalista Radio Komunidade Tokodede, reprezentante autoridade Munisípiu no estudante estajiariu.

Radio Komunidade Tokodede oras nee daudaun, iha membru kolaborador no jornalista hamutuk na’in sia (9). Ito

Lee hotu :   AMD Sobu baraka iha Kampu Alor la koopera ho komunidade

Add to Comments Here!!!!

error: Content is protected.
Secured By miniOrange
You might also like:
FONGTIL partilla prosesu adezaun TL ba ASEAN

Forum ONG Timor Leste (FONGTIL) realiza...

Agresaun fízika entre joven, Amu parókia Motael sai vítima

Joven  ida ho inisial JS  ho...

Veta dekretu LAP, Dom Norberto: Saida mak ita veta nafatin la haree ninia di’ak

Bispu Dioseze Maliana, Dom Norberto do...

Close