Kompañia divita group rejeita abandona projetu dada eletrisidade

Diretur kompañia  Divita Group Unipessoal Lda Fernando da Silva,  rejeita deklarasaun komunidade Suku Legimea, Mertutu,  no Poetete iha Munisípiu Ermera ne’ebé hateten,  kompañia abandona projetu instalasaun eletrisidade durante tinan lima.

“Ha’u rejeita dekalrasaun komunidade Munisípiu Ermera  nian, iha Suku tolu ne’ebé hateten abandona projetu ne’e lalos, tanba projetu instalasaun enerjia eletresidade iha Suku tolu ne’e hotu ona, hein de’it sosa travo rua hodi bele fornese ahi ba komunidade iha área ne’eba”,  hateten Fernando da Silva ba GMN iha Hotel Novu Turismo, Tersa (12/02).

Tuir Fernando,  kompañia Divita Group Unipesoal Lda, hanesan Sub, kontraktor ba kompañia Betulala iha tinan 2016, nune’e deklarasaun husi komunidade ne’ebé hateten abandona projetu durante tinan lima  ne’e la los.

Diretur kpmpañia Divita Group ne’e realsa, to’o agora nia kompañia seidauk monta travo, tanba orsamentu laiha, no iha tinan kotuk nia hatama ona pedidu pagamentu, maibé seidauk iha resposta  husi Governu to’o agora.

Antes ne’e komunidade iha Munisípiu Ermera, kompostu husi Suku Legimea, Mertutu,  no Poetete, ezije ba kompañia ne’e atu  instala lalais  eletresidade Suku  ne’ebé abandona desde tinan 2014.

Entretantu Jornalista GMN tenta komfirma ho parte EDTL, maibé EDTL tempu laiha atu fó komentáriu.aba