ATEK prontu kontribui ba dezenvolvimentu infraestrutura

Assosiasaun Timorense Engenheiru Sivil ( ATEK), prontu kontribui ba dezenvolvimento nasional, liu husi halo kontrolu fortifika sistema infraestrutura ne’ebé kualidade efisiensia efikasia no orientasaun ba dezenvolvimento ekonómia lokál.

Prezidente Konsultivu Fiskal  ATEK, Jusuino Ximenes, hatete ba futuru ATEK sei buka servisu hamutuk ho konsultor internasional sira, nune’e tau matan ba kualidade projeitu estrada sira ne’ebé lao iha Timor.

“ ami nia ezistensia mak halo observasaun no fo asistensia teknika ba infraestrutura  nia kualidade,” dehan Prezidente Konsultivu Fiskal  ATEK , Jusuino Ximenes, ba Jornalista sira liu husi komferensia imprensa Sábado (06/04/2019) iha sede ATEK Bebora Díli.

Prezidente Konsultivu Fiskal  ATEK, haktuir ATEK prontu kolobora ho entidade hotu- atu elabora servisu engenheiru sivil nian hodi sai professional no bele produs kualidade servisu ne’ebé diak liu tan, tamba dalabarak problema infraestrutura ne’ebé iha mosu failansu maibé laiha peritu engenheiru  sivil nian ne’ebé bele halo estudu  ruma no sai komentario próprio.

Tamba ne’e ATEK prontu atu aprezenta peritu engenheiru sivila sira hodi fo opiniaun no solusaun ba problema konstrusaun sivil iha ita nia rai laran.Fel