Horta husu Governu moderniza karosa ba negosiante

Eis Prezidente Repúblika (PR, José Ramos Horta, husu Autoridade Munisípal Díli atu koalia  ho oitavu  Governu fasilita karosa modernu ba negosiante ambulante hodi buka moris kontribui ba ekonomia.

“Ha’u la temi PNTL, ha’u koalia kona de’it  ba  desizaun Munisípiu Díli bandu fali  ha’u nia alin  tiga roda ne’ebé mak fan nú,  modo, hahan, aifuan iha luron sira ne’e.  Ne’e mak ha’u hateten, tanba problema manifestasaun akontese  ne’e hah’u bandu fali, ema kiak ain tanan loron-loron Segunda to’o Domingu, natal  no 31 Dezembru  ita hotu-hotu deskansa sira hean sira nia toga roda ne’e to’o, Cristo Rei, fan bé, fan hahan, sira kontrbui ba ekonomia. Tuir lolos Munisípiu Díli koalia ho Governu, Embaixada sira iha Timor-Leste  hetan orsamentu ruma para hare’e fó tiga roda foun ba sira, halo tiga roda modernu labele todan demais, tiga roda eletrik nian pinta kapas ne’e halo atraksi turista,  ne’e tiga roda sira servisu diak”,esplika  Eis Prezidente Repúblika José Ramos Horta, ba jornalista sira Sesta (05/04/19) hafoin partisipa  seminariu  komemorasaun Masakre Liquiça tinan  1999/2019   ba dala 20 iha salaun    Tokodede, Munisípiu Liquiça.

Enkuantu  Ramos Horta,  lakohi fó ninia komentariu  kona-ba Polísia ninia atuasaun hasoru manifestasaun ne’ebé halo husi negosiante ambulante  sira iha loron rua fulan Abril tinan 2019  iha  resintu  Parlamentu Nasionál,  husik prosesu investigasaun mak sei determina.avi