Vítima Masakre Liquiça 1999, husu Esadu Timor-Leste atu ezije ba Organizasaun Nasoins Unidas  hodi  harii Tribunal Internasional ba prosesa autor krimi grave depois konsulta popular.

“Husu ba Estadu Timor-Leste  atu ezije ba Nasoins Unidas, liu husi Konsellu seguransa  atu hasai  rezolusaun ida  hodi harii Tribunal  Internasionál  atu julga autor krimi graves kontra  umanidade  molok depois de referendum 1999, no violasaun dereitus humanus iha mundu tomak”,esplika  Koordenador   Komisaun Organizadora  Domingos da Conçeição ba  jornalista sira liu husi konfrensia imprensa,  Sesta (05/04/19) seminar  ba komemorasaun   loron masakre 6 Abril 1999 ba dala 20, iha salaun Toko-Dede Munisípiu Liquiça.

Ijize  ba Parlamentu Nasionál  atu debate kona-ba relatoriu Comissão de Acolhimento, Verdade e Reconciliação (CAVR) ho rekomendasaun, hodi hamosu lei  ka rezulusaun ruma kona-bá justisa no reparasaun ba familia vitima no sobrevivente sira, liu-liu  tratamentu especial ba alejadu sira sofre iha masakre Liquiça kauza  husi funu naruk ida ne’e.  Husu Governu atu  fó bolsu estudu ba  vitima oan kiak  no sobrevivente sira, no ajuda finansia ba familia vitima sira hodi haburas sira ninia ekonomia  no moris loron-loron  nian.

Husu ba  CAVR atu implementa komisaun kona-ba komisaun ba buka ema lakon. Ijize ba PN atu kria lei ba loron nasionál ba komemorasaun loron Masakre sira iha Timor-laran tomak inklui masakre  Liquiça  loron 6 fulan Abril tinan  1999.

“Kontinua ba ezije ba Estadu Indonesia no Timor-Leste atu responsabiliza hodi hatudu kona-bá restus mortais  ida ne’ebé milisia ho militar Indonezia iha tinan 1975 to’o tinan 1999, ne’ebé to’o ohin  loron seidauk identifika”,dehan nia.

Husu ba Estadu atu halo tratamentu ba vitima  no familia vitima no sobrevivente sira, mak kria kampu de traballu,  f’o oportunidade ba eskola ka bolsu estudu nian.

Vítima Masakre Liquisa  husu mEstadu atu tau iha planu tau orsamentu ba komemorasaun masakre tinan-tinan  iha Timor-Leste laran tomakijize ba Estadu atu dezenvolve fatin istóriku ne’ebé namkari  iha Timor-laran tomak hodi bele fó retornu iha área turismu nian.

Relasiona ho ijizensia   hirak  ne’e, ne’ebé to’o dekada rua ona,   to’o oras  ne’e seidauk hetan  resposta diak husi parte kompetente.

Komisaun organizadora  ba komemorasaun masakre  tinan 20 ho inisiativa reflesaun rasik husi familia no sobrevivente sira nian  deklara estabelese komite permanente ba luta Liquiça nian  hahú husi 1974 to’o 1999, ne’ebé nia programa  detalla sei desidi  liu husi kongresu ida orgniza  husi komisaun organizadora tinan 20 masakre Liquiça tinan 1999 to’o 2019.

Hafoin  rona tiha konfrensia imprensa Ministru Reforma Lejislativa  e Asunntus Parlamentares Fideles Magalhães , komitmentu   simu rekomendasaun   masakre vitima  sira nian hodi relata ba Primeiru Ministru Taur Matan Ruak, hodi diskuti hamutuk iha reniaun Konsellu Ministru, nune’e hatutan fali ba Ministério kompetente.

“Ita simu  rekomendasaun ne’e  depois mak  ita hare’e fila-fali, sé buat ruma mak ita atu hare’e,  rekomendasaun ne’ebé mak  ita seidauk halo karik  buka hatene para hodi halo,  ita sei halo esforso hotu atu hare’e fila-fali saida mak  ita halo tiha ona, sé seidauk halo karik tanba sa, halo karik diak oinsa atu bele responde ba  rekomendasaun ne’ebé mak sira hato’o”, dehan Fideles Magalhães.avi