PR sei hato’o votu parabéns ba Jokowi

Prezidente Repúblika (PR), Francisco Guterres ‘Lú Olo’, hateten, sei ba hato’o votu parabéns direitamente ba Prezidente Repúblika Indonézia Joko Widodo (Jokowi) wainhira rejultadu ofisial fo sai Jokowi re-eleitu.

Prezidente Repúblika, Franicsco Guterres Lú Olo, rezeita atu fó nia kongratulasaun ba Prezidente Repúblika Indonézia Joko Widodo ka jokowi liu husi média.

Maibé Prezidente Repúblika, Francisco Guterres Lú Olo prefere sei hato’o votu parabéns ba Jokowi ne’ebé re-eleitu iha loron 17 fulan abril tinan ne’e nu’udar Prezidente Repúblika Indonézia ba periodu tinan lima husi 2019 to’o 2024.

Xefe Estadu Timor-Leste, Francisco Guterres ‘Lú Olo’ hato’o deklarasaun ne’e hafoin partisipa misa vigília paskál iha Igreja Imaculada da Conceição Katedral Díli.

“Ha’u sei haruka ha’u nia mensajen direitamente, la’os agora liu husi jornais sira, e obrigadu,” hateten PR, Francisco Guteres ‘Lú Olo’.

Kandidatu Prezidente Joko Widodo ka Jokowi ho nia vise Prezidente Repúblik Ama’ruf Amin,  hetan  pursentu 54,32 (%).

Enkuantu kandidatu ho númeru sorteiu rua ho kandidatu Prabowo Subianto ho Sandiaga Uno hetan pursenta 45,68 (%). Ito